இராமன் -இராமராஜ்ஜியம் என்றால் என்ன? - பார்ப்பானே கடவுள் என கூறும் ஆதாரங்கள்!

இராமன் -இராமராஜ்ஜியம் என்றால் என்ன?

- கவிஞர் கலி.பூங்குன்றன்

(தமிழர் தலைவர் உரையைத் தழுவியது இக்கட்டுரை )

"இராமாயணம் -இராமன் இராமராஜ்ஜியம்" எனும் தலைப்பிலே 23, 27.3.2018 அன்று இருநாள்களிலும் மாலை நேரத்தில் சென்னை பெரியார் திடலில் நடிகவேள் எம்.ஆர்.இராதா மன்றத்தில் திராவிடர் கழகத் தலைவர் ஆசிரியர் மானமிகு கி.வீரமணி அவர்கள் சொற் பொழிவுகளை நிகழ்த்தினார்.

குறுகிய கால அறிவிப்பு எனினும் மக்கள் பெரு வெள்ளமாய்த் திரண்டனர்.

இரண்டாவது சொற்பொழிவில் "பிராமணர்கள்" கடவுளுக்கு மேலே எப்படி தூக்கி நிறுத்தப்படுகிறார்கள்? இராமன் - இராமராஜ்ஜியம் என்ற சொல்லாடல்கள் உச்சத்தில் இருக்கும் காலக்கட்டம் இது ; இவற்றின் மீதான காதல் அல்லது உச்சக்கட்ட மதிப்பு என்பதெல்லாம் மக்களின் உள்ளத்தில் ஊற்றெடுக்கும் உணர்ச்சியின் வெளிப் பாடல்ல; மத்தியில் ஆட்சி அதிகாரத்தில் இருப்பவர்களின் கைங்கர்யம் இது. இராமராஜ்ஜியம் அமைப்போம் என்று கூறி அதிகார பலத்தால் ஆட்டம் போடுகிறார்கள்.

உத்தரப்பிரதேசத்திலிருந்து இராம ராஜ்ஜிய ரத ஊர்வலம் புறப்பட்டு பல
மாநிலங்களின் வழியாக செல்லும் திட்டத்தோடு தமிழ்நாட்டின் தெற்குப் பகுதியில் அவர்கள் காலடி வைத்த போது, ஈரோட்டுப் பூகம்பம் வெடித்து, பேரச்சத்தை ஊட்டியது.

இராமராஜ்ஜியம் என்றால் வருணாசிரம ராஜ்ஜியம், சூத்திரன் சம்பூகன் தலையை வெட்டிய ராஜ்ஜியம்தானே!

இந்த அடிவேரின் இரகசியத்தை உணர்ந்ததால் அல்லவா திராவிடர் கழகத் தலைவர் ஓர் அறிவிப்பினைக் கொடுத்தார்.

"இராமராஜ்ஜியம்" என்றால் பார்ப்பனர் களின் ராஜ்ஜியம் தான் என்பதற்குப் பல ஆதாரங்களை அடுக்கிக் காட்டினார் தமிழர் தலைவர் ஆசிரியர் மானமிகு. கி.வீரமணி அவர்கள்.

அந்த உரையைத் தழுவி இந்தக் கட்டுரை வழங்கப்பட்டுள்ளது.

வேதம் என்ன கூறுகிறது?

தெய்வாதீனம் ஜகத் சர்வம்,
மந்த்ரா தீனம் து தெய்வதம்
தன் மந்த்ரம் பிரம்மணா தீனம்
தஸ்மதத் பிரம்மணம் பிரபு ஜெயத என்பது ரிக் வேதம்.

(62ஆம் பிரிவு 10ஆம் சுலோகம்)

உலகம் கடவுளுக்குக் கட்டுப்பட்டது. கடவுள் மந்திரங்களுக்குக் கட்டுப்பட்டது. மந்திரங்கள் பிராமணர்களுக்குக் கட்டுப்பட்டவை. எனவே பிராமணர்களே நமது கடவுள் - அவனைத் தொழ வேண்டும்.

பிராமணன் முதல் வருணத்தான் ஆனதாலும், பிரம்மாவின் முகமாகிய உயர்ந்த இடத்திற் பிறந்ததினாலும், இந்த உலகத்தில் உண்டாகியிருக்கிற சகல வருணத்தாருடைய பொருள்களையும் தானம் வாங்க அவனே பிரபுவாகிறான்.

(மனுதர்மம் அத்தியாயம் 1 சுலோகம் 100)

பிராமணன் பிறப்பானது தருமத்தின் அழிவில்லாத உருவமாயிருக்கிறது. தருமம் விளங்கும் பொருட்டு உற்பவித்த அந்தப் பிராமணனின் ஞாநத்திலே மோக்ஷத்திற் குரியவனாகிறான். (மனுதர்மம் அத்தியாயம் 1 சுலோகம் 98)
.........

கிருஷ்ண அவதாரக் கற்பிதம்

"புத்தர்பிரான்" அறமொழிகளில் (பஞ்ச சீலம்) முக்கியமானது பிறன் மனைவியை விரும்பாதே என்பது. இந்தக் கொள்கைக்கு எதிர்ப்பாக கிருஷ்ணாவதாரக் கதை ஆரிய பார்ப்பனர்களால் இட்டுக் கட்டிப் பரப்பப் பட்டது. காம விளையாட்டுக்களை மக்களிடையே அதிகரிக்கச் செய்வதே 'கிருஷ்ண லீலா' கதையின் நோக்கம். புத்தர் கொள்கையின் செல்வாக்கை ஒழிக்கவே கிருஷ்ணாவதாரக் கதை இட்டுக்கட்டப்பட்டது."
('என்சைக்ளோபீடியா பிரிட்டானிகா' தொகுதி -4, பக்கம் 210)

மகா பாகவதம் செப்புவது என்ன?

ஸ்ரீவேத வியாசர் அருளிச் செய்த ஸ்ரீமஹா பாகவதம் (திருவனந்தபுரம் பாகவத சிரேஷ்டரான வேணுகோபாலாச்சாரியார் அவர்களால் ஸம்ஸ்க்ருத காவ்யத்திலிருந்து மொழி பெயர்க்கப்பட்டது. (எண்பத்தாறாவது அத்தியாயம், தசம ஸ்கந்தம், பக்கம் 351-352)

"ஸ்ரீகிருஷ்ணன் எதிரே தோன்றிய தபசியான நீ ஒரு பெண் கணங்களை விசேஷமாய்ப் பூஜிக்காமல் மாதவனை மாத்திரம் விசேஷமாய்ப் பூஜித்தபடியால் அந்தப் பகவான் அம்மறையோனை நோக்கி இந்த ரிஷிகள் எந்த ஜலத்தைத் தொடுகிறார்களோ, அதுவே புண்ணிய தீர்த்தமாகும் படிச் செய்யத் தக்கின மகிமையுடையவர்கள், சகல தேவர்களுடைய சொரூபம் யான்.

என்னுடைய சொரூபம் வேதம், அந்த வேதங்களுடைய சொரூபம் மறையோர். அவர்களுக்கு மிஞ்சினவர்கள் உலகி லில்லை. அவர்கள் சாமானிய மானிடர் களென்றெண்ணி அவர்களை பழித்து என்னைப் பூஜித்ததனால் ஒரு பயனையு மடைய மாட்டார்கள். அந்த வேதியரை பூஜிக்கிறவன்தான் ஞானி அவனே எனக்கு மிகவும் இஷ்டனென்று ஸ்ரீபகவனால் ஆக்கியாபிக்கப்பட்டு அந்தச் சுவாமியின் எதிரில்தானே அந்த ரிஷிகளை அநேக விதமாய்ப் பூஜித்து உபசரித்து சந்தோஷப் படுத்தினார்.
........

பிராமணன் திரி மூர்த்திகளிலும் உயர்ந்தவன் என்று நிரூபிக்க இன்னும் இரண்டொரு உதாரணங்களை வேண்டுமானாலும் சொல்லுகிறேன். அதாவது, ஸ்ரீவைகுந்த வாசனாகிய நீலமேக சாமள வர்ணனாகிய ஸ்ரீசாட்சாத் கிருஷ்ண பரமாத்துமாவை, பிரம்ம புத்திரனாகிய நாரதர் தரிசிக்க வந்தபோது, அச்சமயம் பரமாத்துமா பூசையறையில் இருந்து வெளியே வந்தார். வெகு நேரம் வரையில் பரமாத்துமாவின் தரிசனத்திற்காகக் காத்துக் கொண்டிருந்த நாரத பகவான், ஸ்ரீகிருஷ்ண பரமாத்துமாவைப் பார்த்து இவ்வுலகத்தின் கண்ணுள்ள அனந்தகோடி மக்களும் தங்களைப் பூசித்துவரும் போது, தாங்கள் இவ்வளவு நேரமாய் யாரைப் பூசை செய்து கொண்டிருந்தீர்கள் என்று கேட்ட உடனே ஸ்ரீ கிருஷ்ண பரமாத்துமா, பூசையறையில் முன்னால் விடப்பட்ட திரைச் சீலையை நீக்கிவிட்டு, அங்கு அவரால் பூஜிக்கப்பட்ட விக்கிரகத்தைத் திறந்து காட்டினார். அதைப் பார்த்தவுடன், நாரதபகவான் அப்படியே ஆச்சரியப்பட்டுப் பிரம்மித்துப் போனார். ஏனென்றால் அஃது ஒரு பிரமஷ்வரூபமாகிய பிராமணனுடைய விக்கிரகமே அன்றி, வேறல்ல. ஆதலால் அப்படிப்பட்ட கண்ணனாலேயே பூசிக்கப்பட்டு வரும், பிராமணாளுடைய மகத்துவத்தை வேதங்கள் கூட வரை யறுத்துக் கூறமுடியாது என்றால், மற்றவர்களால் அவர்களுக்குக் குணதோஷம் கூறமுடியுமா? இதுகிடக்க, இன்னொரு சம்பவத்தையும் சொல்லுகிறேன் கேளும். ஒரு சமயம், வாயுபுத்திரனாகிய ஹனுமான், ஒரு பிராமணச் சிறுவனாக உருவந்தாங்கி, ஸ்ரீராமபிரான் முன் தோன்றிய போது ஸ்ரீராமர் அவரைக் கண்ட மாத்திரத்தில், அவர் காலில் நெடுஞ்சாரியாய் விழுந்து சாஷ்டாங்க நமஸ்காரம் செய்து கொண்டுள்ளார். இதைக் கண்ட இராம தூதனாகிய ஹனுமான், இராமமூர்த்தியைப் பார்த்துச் சொல்லுகின்றார், நான் உண்மையான பிராமணன் அல்ல; நாட்டினில் வாழும் குரங்கு வம்சத்தைச் சார்ந்தவன். ஆகையால் என் காலில் விழுவது முறையல்ல என்று சொல்லவும், அதற்கு இராமர் பதிலுத்தாரமாக என்ன சொன்னார் என்றால், நான் பிராமணாளைக் கண்ட மாத்திரத்தில் உடனே அவர்களைக் கைகூப்பி வணங்குவது என் கடமையாகும். ஆகையால் உண்மையான பிராமணனாய் இருந்தாலென்ன, அல்லது போலிப் பிராமணனாய் இருந்தாலென்ன? எல்லாம் ஒன்றுதான். அதைப் பற்றி ஒன்றும் தோஷமில்லை என்று சொல்லியிருக்கிறார்.

(சிங்கப்பூர் அறிஞர் அ.சி.சுப்பய்யா அவர்களின் 'சுந்தரமூர்த்தி நாயனார்' கிரிமினல் கேஸ்)

கம்ப இராமாயணம்

வால்மீகி தனது இராமாயணத்தில் இராமனை சாதாரண மனிதனாகப் படைத்திருக்க, கம்பனோ மிகப் பெரிய அளவில் உயர்த்திப் பிடித்தான்; கடவுளுக்கு மேல் பார்ப்பனர்கள் என்றும் கூச்சமின்றிப் பாடி சென்று இருக்கிறான்.

கரிய மாலினும் கண்ணுத லானினும்
உரிய தாமரை மேலுறை வானினும் விரியும் பூதமோ ரைந்தினும் மெய்யினும்
பெரிய ரந்தணர் பேணுதி யுள்ளத்தால்

அதாவது, திருமால், சிவன், நான்முகன், அய்ம்பூதம், வாய்மை ஆகியவர்களைக் காட்டிலும் அந்தணர்கள் பெருமையுடையவர்கள்; ஆகையால் அவர்களை உள்ளன் போடு வழிபடுவாயாக என்றும்,

2 அந்த ணாளர் முனியவு மாங்கவர்

சிந்தை யாலருள் செய்யவுந் தேவரில்

நொந்து ளாரையும் நொய்துயர்ந் தாரையும்

" மைந்த எண்ண வரம்புமுண் டாங்கொலோ

அதாவது அந்தணர்கள் கோபத்தால் அழிந்தவர்களையும், அந்தணர்கள் அருளினால் செல்வாக்குப் பெற்றுயர்ந்தவர்களையும் கணக்கிட முடியாது என்றும்,

3 அனைய ராதலின் அனையஇவ்வெய்யதீ

வினையின் நீங்கிய மேலவர் தாளிணை

புனையுஞ் சென்னியை வாய்ப்புகழ்ந் தேத்துதி

இனிய கூறிநின் றேயின செய்தியால்

அதாவது, அந்தணர்கள் இத்தனையு முடையவராக இருத்தலினால், தீவினை செய்யாது உயர்ந்தவர்களாகிய அவ்வந்தணர் பாதங்களில் உன் தலை படும்படியாக வணங்கி, அவர்களைப் புகழ்ந்து அவர்களிடம் இனிய சொற்களைக் கூறி அவர்களிடும் கட்டளைப்படி நடப்பாய் என்றும்,

4. ஆவ தற்கும் அழிவதற் கும்மவர்

ஏவ நிற்கும் விதியுமென் றாலினி

யாவ தெப்பொருள் இம்மையு மம்மையுந்

தேவ ரைப்பர வுந்துணை சீர்த்ததே

ஒருவன் செல்வம் அடைவதற்கும்
அழிவதற்கும் காரணமான விதியும் அந்தணர்களின் கட்டளைப் படியேதான் நடக்கும்; ஆகையால் இப்பிறப்பிற்கும், மறுபிறப்பிற்கும் (அவர்களை விடுத்தால்) வேறு பயன் ஏது? எனவே, அந்தணர்களை வணங்குதல் தேவர் களை வணங்குதல் போலச் சிறந்ததாகும் என்று கூறி அந்தணர் (பார்ப்பனர்) பெருமையை இவ்வாறு கூறுகிறார். போதுமா? இன்னும் வேண்டுமா?

(குடிஅரசு - கட்டுரை - 12.02.1944)

                                                   ...............

சங்கராச்சாரியார் பார்வையில்

9.10.2002 அன்று சென்னை நாரத கான சபையில் 'தாம்ப்ராஸ்' எனப்படும் தமிழ்நாடு பார்ப்பனர் சங்கத்தின் ஏற்பாட்டில் "அருந் தொண்டாற்றிய அந்தணர்கள்" நூல் வெளியீட்டு விழா நடைபெற்றது. அந்நூலை வெளியிட்டு நூலோர் வழிவந்த காஞ்சி சங்கராச்சாரியார் ஜெயேந்திர சரஸ்வதி பேசியதாவது

"எந்த ஆட்சியாக இருந்தாலும் அந்தணர்

சொற்படிதான் நடந்திருக்கிறது என்பதைப்

பழைய நூல்கள் கூறுகின்றன. இராமர் ஆட்சி

செய்தாலும், அவர் வசிஷ்டர் சொற்படிதான்

நடந்தார். மதுரையை நாயக்கர்கள் ஆண்ட

போதும் கோவிந்த தீட்சதர் என்பவர்தான் குரு.

அவர் வம்சத்தில் வந்தவர்தான் மறைந்த

காஞ்சிப் பெரியவாள். ஆண்டவன்கூட

அப்புறம்தான். அந்தணன்தான் முதலில்

(நக்கீரன் 5.112002) இப்பொழுது சொல்லுங்கள் -

இந்து மதம் என்றால், இராமன் என்றால், அதன்

பொருள் என்ன?

பிராமணாள் நமது கடவுள் - இதனை ஏற்றுக் கொள்ள முடியுமா?

 - விடுதலை ஞாயிறு மலர், 31.3.2018

பார்ப்பனர்களே இந்த நாட்டைவிட்டே ஓடிவிடுங்கள்! – விவேகாநந்தர்

 

செப்டம்பர் 16-30

September 16,2015உண்மை இதழ்

பூணூல் என்பது கோவணம் கட்டும் கயிறே! சொன்னவர் சுவாமி விவேகாநந்தர்.

சிஷ்யனானவன் குருவினுடைய குடிலுக்கு செல்லும்போது குரு அவனுடைய தகுதியை அறிந்து, உள்ளம், சொல், செயல் ஆகிய மூன்றையும் அவன் அடக்கி வைத்திருப்பதற்கு அடையாளமாக முப்புரியாகிய முஞ்சா என்னும் புல்லினை அவனுடைய இடுப்பிலே கட்டி அவனுக்கு தீட்சை செய்து வேதங்களை போதிப்பார். இடுப்பில் கட்டிய அந்த முப்புரி கயிற்றில் சிஷ்யன் கோவணம் கட்டிக்-கொள்வான்.

அந்த புல்லிற்கு பதிலாக முப்புரி நூலை அணியும் வழக்கம் பின்னாளில் ஏற்பட்டது. வேதங்களிலே பூணூலைப் பற்றிய குறிப்பு ஓரிடத்திலேயும் இல்லை. கோபிலருடைய கிருஹய சூத்திரங்களிலும் பூணூலுக்கான குறிப்புகள் இல்லை. எனவே, இன்றைக்கு பார்ப்பனர்கள் அணியும் பூணூல் கோவணம் கட்டிய நூலின் மாற்றமே! —என்கிறார் சுவாமி விவேகானந்தர்
(ஆதாரம் : சுவாமி விவேகானந்தர் சம்பாஷணைகள் நூல் பக்கம் : 26-28.)

 

சாஸ்திர வேத விரோதமாய் தன்னை உயர்ந்த ஜாதியாய் காட்ட பார்ப்பனர்கள் பின்னாளில் செய்த மோசடியே பூணூல் அணியும் வழக்கம். என்பது இதிலிருந்து புலப்படுகிறது.

நான் ஒரு பவுத்தன்!

புத்தரே எனது விருப்பமான தெய்வம். நான் பவுத்த மதத்தவன் அல்ல. ஆனாலும் நான் ஒரு பவுத்தன். (I am not a Buddist and Yet I am) என்கிறார் விவேகாநந்தர்.
(தொகுதி  1 பக்கம்  21)

காரணம் பவுத்தம் ஒரு மதம் அல்ல. அது ஒரு சங்கம், அமெரிக்காவில் சான் பிரான்சிஸ்கோ நகரில் வேதாந்தம் எதிர் காலமதமா? என்னும் தலைப்பில் பேசிய விவேகாநந்தர், இந்துமதக் குழப்பக் குப்பைக் கொள்கையான வேதங்களை நான் வேதம் என்று சொல்லவில்லை. எல்லா மதங்களிலும் உள்ள இறுதிநிலை பற்றிய கருத்துக்களையே நான் வேதம் என்கிறேன் என்றார்

இந்துமதத்தில் ஏதாவது சிறப்புகள் இருக்கிறது என்றால் அது பார்ப்பனர் அல்லாதாரால் வந்தவை. இழிவு அநீதி அனைத்தும் ஆரியபார்ப்பனர்களால் வந்தவை பார்ப்பனர்கள் எதையும் தங்கள் நலத்துக்கு மட்டுமே கூறுவர், செய்வர் என்கிறார் விவேகாநந்தர்.
(தொகுதி 4  பக்கம் 359)

பரம்பரையாகத் தான்படிப்பு வருமா? விவேகாநந்தர் கேட்கிறார்.

ஏ பிராமணர்களே! பறையனைவிடப் பிராம்மணனுக்குக் கல்வி கற்கும் சக்தி இருக்கிறதெனின், பிராமணர்கள் படிக்க இனி செலவு செய்யக் கூடாது. அவ்வளவு பணத்தையும் அரசு பறையர்கள் படிப்பிற்குச் செலவிடுங்கள். பலவீனமானவர்களுக்கே எல்லா உதவியும் கொடுக்கப்பட வேண்டும். ஏனெனில் அவர்களுக்குத்தான் அதுதேவை. பிராமணன் பிறவியிலே அறிவுள்ளவனாகப் பிறந்திருந்தால் அவன் தானே படித்துக் கொள்ள முடியும். பிறவியில் அறிவில்லாதவர்களுக்குத் தானே அதிகம் போதனை வேண்டும்? எனக்குத் தெரிந்த வரை இதுவே நியாயம்!

[நூல்: இந்தியப் பிரசங்கங்கள் : (பக்கம். 62-63) இராமகிருஷ்ணாமடம் வெளியீடு.]

பார்ப்பனர்களே இந்த நாட்டைவிட்டே ஓடுங்கள்!

பார்ப்பனர்களே இந்த நாட்டை விட்டே ஓடி-விடுங்கள்! அல்லது இந்த மண்ணில் கரைந்து, காற்றில் கலந்து மறைந்து விடுங்கள்! அப்போதுதான் இந்தநாடு எழுச்சிபெரும் ஏற்றம்பெரும்! நீங்கள் சூன்யம்! நீங்கள் மாயை! கானல் நீர்! மக்களை நாசமாக்கும் குழப்பல் பேர்வழிகள்!

ஆரிய வம்சத்திலிருந்து தோன்றியதாகப் பெருமை அடித்துக் கொள்ளும் பார்ப்பனர்களே; நீங்கள் எவ்வளவுதான் பெருமை பேசினாலும், எவ்வளவுதான் புகழ் இசைத்தாலும்; உங்கள் குலப்பெருமை உணர்ச்சியினால் கர்வமடைந்து சொகுசு நடைப்போட்டாலும், உங்களுக்கு உயிர் இருப்பதாக, சிந்தனை இருப்பதாக ஏற்க இயலாது. பதினாயிரம் ஆண்டுகளுக்கு முற்பட்ட எகிப்திய மம்மி சவம்போல இருக்கிறீர்கள். நீங்கள் யாரை சவம் என்று வெறுத்து ஒதுக்கினீர்களோ அவர்களிடையே தான் (ஒடுக்கப்பட்டோர்) பாரதத்தின் எதிர்கால வீரிய சக்தி எஞ்சி நிற்கிறது!

மாயை நிறைந்த இவ்வுலகில் நீங்கள் தான் உண்மையான மாயை; புரியாத புதிர்; பாலைவனத்தில் காணப்படும் கானல்நீர். பாரதத்தின் உயர் வகுப்பாரே உங்களைத் தான் சொல்கிறேன் நீங்கள் இறந்த காலத்தின் பிரதிநிதி. அதில் எல்லா விதமான வடிவங்களும் ஒரே குளறுபடியாகக் கலந்து கிடக்கின்றன.

நீங்கள்தான் சூன்யம். வருங்காலத்தில் உருப்படியில்லாமல் போகப்போகிற திண்மை-யில்லா வஸ்துக்கள். கனவு உலக வாசிகளே நீங்கள் இன்னும் ஏன் நடமாடுகிறீர்கள்?

கடந்து போன பாரதத்தின் சதையற்ற, இரக்கமற்ற வெற்று எலும்புக் கூடுகளாகிய நீங்கள் ஏன் மண்ணில் கரைந்து, காற்றிலே கலந்து மறைந்து விடக்கூடாது?

இந்த நாட்டின் விலைமதிக்க முடியாத பொக்கிஷங்கள் எல்லாம் உங்கள் கையுள். நாற்ற மடிக்கும் உங்கள் கரங்களிலிருந்து அவற்றை விடுவித்து உரியவர்களிடம் சேர்க்கும் வாய்ப்பு இதுவரை உங்களுக்குக் கிடைக்கவில்லை. இப்பொழுது பிரிட்டிஷ் ஆட்சியின் கீழ், கல்வியும், ஞான ஒளியும், சுதந்திரமாகக் கிடைக்கும் இந்த நேரத்தில் உரியவர்களிடம் ஒப்படையுங்கள். ஆம் முடிந்த அளவு விரைவாய் அவற்றை ஒப்படையுங்கள், நீங்கள் சூனியத்தில் முழ்கி மறைந்து விடுங்கள், நீங்கள் விலகிய இடத்தில் நவபாரதம் எழட்டும். நவ பாரதமானது உழவனின் குடிசையிலிருந்து ஏர் பிடித்து வெளிவரும்; மீனவர், சக்கிலியர், தோட்டி இவர்களின் குடிசைகளிலிருந்து நவ பாரதம் வெளித் தோன்றும். பல சரக்குக் கடைகளிலிருந்து, தோசை விற்கிறவனின் அடுப்படியிலிருந்து நவ பாரதம் தோன்றட்டும். தொழிற்சாலை-களிலிருந்தும், கடையிலிருந்தும், சந்தை-யிலிருந்தும் நவ பாரதம் காட்சி தரட்டும். தோட்டங்களிலிருந்தும், காடுகளிலிருந்தும், குன்றுகளிலிருந்தும், மலைகளிலிருந்தும், அந்த நவ பாரதம் வெளிவரட்டும்.

இந்தப் பாமர மக்கள் ஆயிரக்கணக்கான ஆண்டுகளாக ஒடுக்கி நசுக்கப்பட்டிருக்கிறார்கள். முணுமுணுக்காமல் கஷ்டங்களைச்  சகித்திருக்கிறார்கள். அதன் விளைவாக ஆச்சரியகரமான பொறுமையும் தைரியமும் பெற்றுள்ளார்கள்.

முடிவில்லாத துன்பத்தை அவர்கள் அநுபவித்ததன் பயனாக, வளையாத ஆண்மைச் சக்தி அவர்களுக்கு ஏற்பட்டுள்ளது. ஒரு கைப்பிடி அளவு தானியத்தை வைத்துக் கொண்டு, உயிர் வாழ்ந்து அவர்கள் இந்த உலகத்தையே உலுக்கி ஆட்டி விடுவார்கள். அவர்களுக்கு அரை வயிற்று உணவு கொடுங்கள். பிறகு தோன்றுகிற அவர்களது சக்தியைப் பாருங்கள். இந்த உலகமே கொள்ளாது. ரக்த பீஜனுக்கிருந்த குன்றாத சக்தி இவர்களுக்கும் அருளப்பட்டிருக்கிறது. (ரக்த பீஜன் துர்க்கா சப்த சதியில் வருகிற ஓர் அரக்கன். அவனுடைய ஒவ்வொரு சொட்டு இரத்தமும் கீழே சிந்தினால் அவனைப் போன்றே மற்றொரு ராட்சதன் தோன்றுவான்) அத்துடன் கூடத் தூய்மையும் நல்லொழுக்கமும் வாய்ந்த வாழ்க்கையிலிருந்து தோன்றுகிற அற்புதமான வலிமை அவர்களுக்கு உண்டு. உலகத்தில் இதனை வேறு எங்குமே காண முடியாது. இதுபோன்ற அமைதி, இதுபோன்ற திருப்தி, இத்தகைய அன்பு இதுபோன்ற மௌனமாகவும் இடைவிடாமல் வேலை செய்துசெயல்படுவது, நேரம் வரும்பொழுது இதுபோன்று சிங்கத்தின் பலத்துடன் வேலை செய்வது  இத்தகைய காட்சியை உங்களால் வேறு எங்குதான் காண முடியும்?

நீங்கள் காற்றில் கலந்து மறைந்து போங்கள். இனி ஒருகாலும் கண்ணுக்குத் தெரியாமல் போய் விடுங்கள். உங்கள் காதுகளை மட்டும் திறந்து வைத்தால் போதும். நீங்கள் மறைந்து போகிற அந்தக் கணமே புத்தெழுச்சி பெற்ற பாரதத்தின் முதல் முழக்கத்தைக் கேட்பீர்கள். கோடிக் கணக்கான இடியொலிகள் கலந்தாற் போல உலகெங்கும் எதிரொலி செய்ய வாஹ் குரு கீ பதேஹ் குருதேவருக்கு ஜே என்ற முழக்கம் வானோங்கி எழும் என்றார் விவேகாநந்தர்.

இராஜகோபாலாச்சாரி யார்?

 

டிசம்பர் 01-15

 2016உண்மை இதழ் 

– கி.தளபதிராஜ்

“ஆச்சாரியார்’’

“மூதறிஞர்’’

“சக்கரவர்த்தி’’ என்று பார்ப்பனப் பரிவாரங்களால் பட்டப்பெயர் சூட்டப்பட்ட இராஜகோபாலாச்சாரியார் 10.12.1878இல் சேலத்தில் பிறந்து. தனது 94ஆம் வயதில் 25.12.1972இல் சென்னையில் மறைந்தார். தந்தை பெரியார் அவர்களின் அன்பிற்குரிய நண்பராய் இருந்தபோதிலும் வாழ்நாள் முழுதும் தனது இனத்திற்கு நல்ல விசுவாசியாக, சேவகராக வாழ்ந்தார் என்பதையும் தாண்டி பார்ப்பன தர்மத்தைப் பாதுகாப்பதில் கண்ணும் கருத்துமாக இருந்தார். அதனால்தான் பெரியாரை தன் அன்பார்ந்த எதிரி என்றார்.  அவரின் உண்மை உருவத்தை வெளிச்சம் போட்டுக் காட்டும். சில தகவல்கள் அவரை மட்டுமன்றி ஆரியத்தையும் தோலுரித்துக் காட்டும்.

மனுதர்மவாதி:

சுயமரியாதை இயக்கத்தின் ஆரம்ப காலக் கட்டங்களிலேயே அதன் செயல்பாடுகளைக் கண்டு கொதித்தவர் இராஜாஜி. இந்துமத, வேத, புராண, சாஸ்திரக் குப்பைகளை சுயமரியாதை இயக்கம் கேள்விக் குறியாக்கி, பார்ப்பனர்களின் வர்ண பேத சூழ்ச்சிகளை வெளிக்கொணர்ந்து, அவற்றை தீயிட்டுப் பொசுக்கிய நேரத்தில் மனுதர்மத்திற்கு ஆதரவாக வக்காலத்து போட்டவர் இராஜாஜி. “மனுதர்மம் அருமையான நீதியைக் கொண்டது. மனுசாஸ்திரத்தை எதிர்ப்பது தற்கொலைக்குச் சமம்’’ என்று சொல்லி சுயராஜ்யப் பத்திரிக்கையிலே தொடர் கட்டுரைகளைத் தீட்டியதோடு, திருவில்லிப்புத்தூரில் நடைபெற்ற காங்கிரஸ் தாலுக்கா மாநாட்டில் “சுயமரியாதை இயக்கம் தெய்வங்களையும், அவதாரங்களையும், புண்ணிய ஸ்தலங்களையும், பெரியோர் சாஸ்திரங்களையும் நிந்திப்பதாக குற்றப்பத்திரிக்கை வாசித்து இவர்களின் ஜாதி துவேஷத்தை ஒழிக்க வேண்டும்’’ என தன் தலைமை உரையில் குறிப்பிட்டவர்.

தீண்டாமையை ஒழிக்க வேண்டி காங்கிரசால் ஒதுக்கப்பட்ட நிதியை தனது பெயரில் வைத்துக்கொண்டு அதனால் ஒரு காரியமும் செய்யாமல், மற்றவர்களையும் செய்யவிடாமல் தடுத்ததாக ‘குடியரசு’ பத்திரிக்கை குற்றம் சாட்டியது. தமிழ்நாடு காங்கிரஸ் கமிட்டி “பிறவியில் ஜாதி வித்தியாசம் பார்க்கக் கூடாது’’ என இயற்றிய தீர்மானத்தை எதிர்த்து இராஜினாமா கடிதம் கொடுத்ததோடு தனது நண்பர்களையும் இராஜினாமா கடிதம் கொடுக்க வற்புறுத்தியவர் இராஜாஜி. பால்ய விவாக தடைச்சட்டத்தை பார்ப்பனர்கள் எதிர்த்துபோது, பிராமணர் -_ பிராமணர் அல்லாதார் சண்டை இல்லாதுபோனால் தென்னாட்டு பிராமணர்கள் அந்தச் சட்டத்தை எதிர்த்திருக்க மாட்டார்கள் என்று சூழ்ச்சியாகப் பேசியவர்.

சென்னை திருவான்மியூரில் நடைபெற்ற சலவைத் தொழிலாளர் மாநாட்டில் (26.6.1952) கலந்துகொண்டு, “அவரவர் குலத்தொழிலை அவரவர் செய்ய வேண்டும். சலவைத் தொழிலாளர்களாகிய நீங்கள், துணியைக் கிழிக்காமல் சலவை செய்வது எப்படி என்பதைத்தான் கற்றுக்கொள்ள வேண்டும். எல்லோரும் படிக்க ஆரம்பித்தால் இந்தத் தொழிலை வேறு யார்தான் செய்வார்கள்?’’ என்று சமூகநீதிக்கு எதிராய் தன் பிறவித் திமிரை வெளிப்படுத்தியவர்.

கொலையாளி:

மோட்டார் கார்கள் பயன்படுத்தப்படாத காலம். நாமக்கல்லிற்கு ஒரு வழக்கு தொடர்பாக சென்று குதிரைவண்டியில் சேலம் திரும்பிக் கொண்டிருந்தார் இராஜாஜி. நள்ளிரவு நேரம். வரும் வழியில் சுங்கச் சாவடியில் அவரது வண்டி நிறுத்தப்பட, சுங்கப் பணத்தை வசூல்செய்வதற்காக வண்டியின் பின்புறமாக வந்து இராஜாஜியை எழுப்ப முயன்ற காவல்காரரை வழிப்பறிக் கொள்ளையன் என நினைத்து இராஜாஜி தன் கைத்துப்பாக்கியால் சுட, மருத்துவமனைக்கு கொண்டு செல்லும் வழியிலேயே அந்தக் காவல்காரர் இறந்துவிட்டார். தற்காப்பிற்காக துப்பாக்கிச் சூடு நடத்தப்பட்டதாகக் கூறி அந்த வழக்கு தள்ளுபடி செய்யப்பட்டது.

இந்திக்கு ஆதரவு:

1937இல் சென்னை மாகாண பிரதமராக பதவி வகித்தபோது இந்தியாவில் காங்கிரஸ் ஆட்சி செய்த எந்த மாகாணத்திலும் கொண்டு வரப்படாத இந்தி மொழி கட்டாயப் பாடத் திட்டத்தை கொண்டு வந்தவர். 1938இல் இந்தி எதிர்ப்புப் போராட்டம் உச்சகட்டத்தை அடைந்தபோது, பொப்பிலி அரசர் விலகுவதன் மூலம் நீதிக்கட்சியையே செயலிழக்கச் செய்துவிடலாம் எனக் கருதி, பதவி விலக வில்லையெனில் ஜமீன்தாரி ஒழிப்பு மசோதாவைப் பயன்படுத்தி உங்கள் ஜமீன் சொத்துக்களை அரசுடமையாக்கி விடுவேன் என்று அவரை மிரட்ட, பொப்பிலி ராஜா பதவி விலகியதும், நீதிக்கட்சித் தலைவர்களால் பெல்லாரி சிறையில் அடைபட்டிருந்த பெரியார் நீதிக்கட்சித் தலைவராக்கப்பட்டதால் ஆச்சாரியார் ஆப்பசைத்தக் குரங்கானார்.

இந்தி எதிர்ப்புப் போரில் கைதாகி சிறையில் மாண்ட தாளமுத்து குறித்து சட்டமன்றத்தில் சர்.ஏ.டி.பன்னீர்செல்வம் கேள்வி எழுப்பியபோது, “தற்குறி தாளமுத்து தேவையில்லாமல் சிறைபட்டு மாண்டார்’’ என தன் அதிகார மமதையை வெளிப்படுத்திய சக்கரவர்த்தி!

மொழிவாரி மாநில எதிர்ப்பு:

மொழிவாரி மாநிலக் கோரிக்கை வலுவடைந்த நேரத்தில் அதை வீழ்த்தும் விதமாக பசல்அலி கமிஷன் பரிந்துரைப்படி இந்தியாவை தெற்கு, வடக்கு, மேற்கு, கிழக்கு, மத்தியப் பகுதியாகக் கொண்டு தட்சிணப் பிரதேசம், உத்திரப் பிரதேசம், மேற்குப் பிரதேசம், கிழக்குப் பிரதேசம், மத்தியப் பிரதேசம் என அய்ந்து பிரதேசங்களாகப் பிரிக்கப் போவதாக பிரதமர் நேரு அறிவித்தார். நேருவின் இந்தப் பிரகடனத்தை இராஜாஜி ஆதரித்ததோடு அதற்கு ஆதரவாகப் பிரச்சாரம் செய்தார்.

சென்னையில் நடைபெற்ற ஒரு பொதுக்கூட்டத்தில், “மொழிவாரி மாநில அரசு கேட்பவர்கள் காட்டுமிராண்டிகள்’’ எனக் கூச்சலிட்டார். அய்தராபாத்தில் நடைபெற்ற காங்கிரஸ் மகாசபையிலும் இதே கருத்தை வெளியிட்டார்.

1952இல் ஆந்திரம் தனி மாநிலமாக பிரிந்துவிட்ட நிலையில், சென்னை ராஜதான்ய அரசவையை தமிழில் நடத்த வேண்டும் என ஒரு மசோதா மேல்சபையில் கொண்டு வரப்பட்டபோது காங்கிரஸ் ஆதரவுடன் அந்த மசோதாவை எதிர்த்து தோற்கடித்தவர் இராஜாஜி.

சக்கரவர்த்தி திருமகன்:

திராவிடர் இயக்கம் இராமாயணத்துக்கு எதிராக தீவிரப் பிரச்சாரத்தை மேற்கொண்டபோது ‘கல்கி’ வார இதழில் ‘சக்ரவர்த்தித் திருமகன்’ என்று இராமாயணக் கதை எழுதியவர் இராஜாஜி. மூகாஜி என்ற பெயரில் முரசொலியில் இராஜாஜிக்குப் பதிலடி கொடுத்தார் கலைஞர். டெல்லியில் ராமலீலா என்ற பெயரில் இராவணன் உருவப் பொம்மைகளை எரிப்பது தொடர்ந்தால் தென்னாட்டிலும் இராமனை எரித்து இராவண லீலாக்கள் நடத்தும் காலம் வந்தே தீரும் என அதில் எச்சரித்தார். இது நடந்ததோ 1954இல். சரியாக இருபது வருடங்களுக்குப் பின்னர் டெல்லியில் ‘இராமலீலா’ நிகழ்வில் அன்றைய பிரதமர் இந்திராகாந்தி அவர்கள் கலந்துகொள்ள; ‘இராவண லீலா’வை, அன்னை மணியம்மையார் தன் தலைமையில் சென்னை பெரியார் திடலில் தோழர்களின் உணர்ச்சிப் பிழம்பாய் நடத்தினார். இராமன், இலட்சுமணன், சீதை உள்ளிட்ட உருவ பொம்மைகளை தீக்கிரையாக்கி தோழர்கள் கைதாகினர்.

குலக்கல்வித் திட்டம்:

1954இல் தமிழக முதல்வராகப் பதவிவகித்த இராஜாஜி ஒரு கல்வித் திட்டத்தை கொண்டு வந்தார். கிராமப்புற மாணவர்களின் பள்ளிப் படிப்பை மூன்று மணி நேரமாக குறைத்து மீதி நேரத்தில் அவரவர் பாரம்பரியத் தொழிலை செய்யலாம் என்றார். ஒடுக்கப்பட்ட மக்களின் உயர்வைத் தடுக்கும் இந்தத் திட்டத்தின் சூழ்ச்சியைப் புரிந்துகொண்ட பெரியார், 24.1.1954 அன்று ஈரோட்டில், “ஆச்சாரியார் கல்வித் திட்ட எதிர்ப்பு’’ மாநாட்டைக் கூட்டினார். ஆச்சாரியா£ர் தொடர்ந்து அத்திட்டத்தைக் கைவிட மறுக்கவே சென்னையில் 31.1.1954இல் ஒரு மாபெரும் பொதுக்கூட்டத்தை கூட்டி அதில் ஆச்சாரியாருக்கு கடுமையான எச்சரிக்கை விடுத்தார்.

ஆச்சாரியார் இந்தத் திட்டத்தை மாற்றவில்லையானால் நிச்சயமாக இது அவருடைய இனத்தின் அழிவுக்கே ஒரு காரணமாக இருக்கப் போகிறது. “தோழர்களே! பெட்ரோலும் தீப்பந்தமும் தயாராக இருக்கட்டும். நாள் குறிக்கிறேன்’’ என அக்கிரஹார கூட்டத்திற்கு எச்சரிக்கை விடுத்தார். நாகையிலிருந்து குலக்கல்வித் திட்ட எதிர்ப்புப் படை சென்னையை நோக்கி புறப்பட்டது. பலத்த எதிர்ப்புக்குப் பின்னர் ராஜாஜி பதவியை விட்டே ஓடினார். அந்தத்  திட்டம் கைவிடப்பட்டதாக பின்னர் அறிவிக்கப்பட்டது.

ராஜாஜி – காமராஜர் – நேரு:

நாகர்கோவில் மக்களவை இடைத்தேர்தலில் காமராஜர் வெற்றிபெற்றபோது அவர் இந்தியாவின் துணைப் பிரதமராக தேர்ந்தெடுக்கப்படுவார் என பத்திரிக்கைகள் எழுதின. அதைக் கண்டு பொறுக்க இயலாத இராஜாஜி, “டில்லியில் உள்ள அகில இந்திய காங்கிரஸ் அலுவலகத்தில் ஒரு குமாஸ்தா வேலைக்குத்தான் காமராஜ் லாயக்கே தவிர வேறு எந்த பொறுப்புக்கும் லாயக்கற்றவர்’’ என தன் காழ்ப்புணர்ச்சியைக் கொட்டினார்.

“இன்று இராஜாஜிக்கு ஏற்பட்டுள்ள அரசியல் ஏமாற்றம்தான் அவரை காங்கிரஸ் எதிரியாக்கியிருக்கிறது. இராஜாஜிக்கு வேதனை தருவது இதுதான். அதாவது நாகரீகமற்ற, படிப்பில்லாத, பட்டிக்காட்டுப் பேர்வழி (மிறீறீவீtமீக்ஷீணீtமீ றிஷீஷீக்ஷீ) என தாம் கருதிக் கொண்டிருக்கும் ஒருவர், தாம் முன்பு இருந்த இடத்தில் அமர்ந்து-கொண்டு நன்றாக நிர்வாகம் நடத்திக்கொண்டு வருகிறாரே? என்ற மனவேதனைதான் ராஜாஜியை வாட்டுகிறது’’ என காங்கிரஸ் பார்லிமென்ட் கூட்டத்திலேயே பிரதமர் நேரு இராஜாஜியை விமர்சித்து எதிர்த்தார்.

(‘தினமணி’ சித்தூர் பதிப்பு: 25.3.1960)

பொதுச் சொத்தை தனதாக்க முயற்சி:

முதலமைச்சர், ஆளுநர், கவர்னர் ஜெனரல், மத்திய உள்துறை அமைச்சர் என சகல பதவிச் சுகத்தையும் சொட்டச்சொட்ட அனுபவித்த இராஜாஜி தான் நெடுங்காலம் வாழப்போவ-தாகவும், அக்காலம் முழுவதும் தனக்கு வரவேண்டிய பணி ஓய்வுக்காலத் தொகையை கணக்கிட்டால், தான் வசிக்கும் கிண்டி ராஜ்பவனத்தின் மதிப்பை விடக் கூடுதலாக வரும் என்றும், எனவே அரசு கிண்டி ராஜ்பவன் நிலம் முழுவதும் தனக்குக் கொடுக்க வேண்டும் என்றும் கேட்டிருந்தார். ஆனால் இந்தக் கோரிக்கையை அரசு நிராகரித்து-விட்டது.

(இந்தச் செய்தி ஆச்சாரியாரின் பென்ஷன் குறித்த தகவல் புத்தகத்தில் உள்ளது.)

ஆரியத்தின் அசல் வடிவம் இராஜகோபாலாச்சாரியார்!

வழக்கறிஞர் நோட்டீசை திரும்ப பெற்ற சத்ய சாய்பாபாவின் சீடர்கள்!

 

எதிர்த்த வழக்கறிஞரே ஏற்று செயல்பட இணைந்தார்!

நவம்பர்16-30

November 16, 2015உண்மை இதழ்

அய்யாவின் அடிச்சுவட்டில் – 142…

எதிர்த்த வழக்கறிஞரே ஏற்று செயல்பட இணைந்தார்!

அந்த வழக்கறிஞர் அனுப்பிய கடிதம் இதுதான்!

RAM RAIS & YAP
8th January 1981

To

Mr. K. Veeramani,
13, I Main Road,
Kasturiba Nagar,
MADRAS – 600 020.
INDIA.

Dear Sir,

You may recall that when you were in Malaysia in 1979, you had received correspondence from this firm. I was then acting on behalf of the devotees of Satya Sai Baba to stop you from making deregatory remarks against the said Satya Sai Baba. I had then in personal capacity held similar views, having been a deveotee myself of Satya Sai Baba.

However, of late it has come to light that the said Satya Sai Baba has carried out homosexual activities on the boys studying in his colleges in whitefiled and Puttaparthi. His biggest mistake was that he carried out such activities on Malaysian students studying there. These students have brought to the notice of the public in Malaysia this activity of Satya Sai Baba. It has become necessary for the people in Malaysia to have proper assessment of him. Unfortunately the written materials available are the propaganda stuff published by Satya Sai Baba and his devotees.

There is the urgent need to circulate in Malaysia, books, new cuttings and other printed matter in English and Tamil pertaining to the fraud being perpetrated by Satya Sai Baba and his devotees. I am willing to purchase all of them. If you do have them, please be free to send copies of the same and let me know the charges. If you do not have for distribution, you can let me have the sources and the addresses from where I can obtain the materials.

I read in our local news papers that an Atheist conference was held in Vijayawada recently. There is the need for me to get held of the proceedings of the conference so that they can be made available to the public in Malaysia.

I think it is possible for us to work together in exposing the said Saya Sai Baba in Malaysia and Singapore. Kindly let me hear from you.

Yours faithfully,
HARIRAM JAYARAM

அய்யா, 1979_ஆம் ஆண்டு நீங்கள் மலேசியாவில் இருந்தபோது, இந்த நிறுவனத்திடமிருந்து உங்களுக்கு வழக்கறிஞர் நோட்டீசும், அது தொடர்பான கடிதங்களும் அனுப்பியது உங்களுக்கு நினைவிருக்கலாம்.

அப்போது நான் சத்ய சாய்பாபாவின் சீடர்களின் சார்பில் செயல்பட்டேன். சாய்பாபாவை குறைகூறி நீங்கள் கருத்து தெரிவிக்காமல் தடைபடுத்த முயன்றேன். அப்போது நான் சாய்பாபாமீது நம்பிக்கை கொண்டவனாகவே இருந்தேன். ஆனால், சாய்பாபா- _ புட்டபர்த்தியிலும், ஒயிட் பீல்டிலும் (Whitefield) (சாய்பாபா பகுதி) நடத்தும் கல்வி நிறுவனங்களில் படிக்கும் மாணவர்களுடன் ஓரினச் சேர்க்கையில் ஈடுபடக்கூடியவர் என்பது பிறகுதான் தெரியவந்தது. அதைவிட, அவர் செய்த மிகப்பெரிய தவறு _- அங்கே படித்த மலேசிய மாணவர்களிடமும் அவர் இதுபோல நடந்துகொண்டதுதான். சாய்பாபாவின் இந்த செயலை, அந்த மாணவர்கள் மலேசிய மக்களின் கவனத்துக்குக் கொண்டுவந்தனர். எனவே, சாய்பாபா எப்படிப்பட்டவர் என்பதுபற்றி, சரியான முடிவுக்கு வரவேண்டியது அவசியமாகியிருக்கிறது. துரதிருஷ்டவசமாக _- சாய்பாபாவும், அவரது சீடர்களும் எழுதிய நூல்கள்தான் இங்கே கிடைக்கின்றன. இந்த நிலையில் சாய்பாபா மற்றும் அவரது சீடர்களின் மோசடிகளை விளக்கக்கூடிய தமிழ் _- ஆங்கில நூல்கள், துண்டுப் பிரசுரங்கள், அவசரமாக தேவைப்படுகின்றன.

நான் எல்லாவற்றையும் வாங்கிக்கொள்ளத் தயாராக இருக்கிறேன். உங்களிடம் அவை இருக்குமானால், அதை உடனே அனுப்பி வையுங்கள்; அதற்குரிய கட்டணத்தை அனுப்பி வைக்கிறேன். உங்களிடம் அப்படி ஏதும் இல்லையென்றால், அவை எங்கே கிடைக்கும் என்ற விவரத்தைத் தெரிவியுங்கள்.

அண்மையில் _- விஜயவாடாவில் _- ஒரு நாத்திக மாநாடு நடந்ததாக, இங்கு வெளியான பத்திரிகையில் செய்தி வந்தது. அந்த மாநாட்டு நடவடிக்கைகள் பற்றி தகவல் கிடைத்தால், அவைகளை மலேசிய மக்களுக்கு தெரியப்-படுத்தலாம். சாய்பாபாவின் மோசடிகளை மலேசியாவிலும், சிங்கப்பூரிலும் அம்பலப்படுத்த நாம் இணைந்து செயல்பட முடியும் என்று கருதுகிறேன். அன்புடன் எழுதுங்கள்.

உண்மையுள்ள ஹரிராம் ஜெயராம்

ஆக, நம்மை எதிர்த்து வழக்காட முனைந்தவர் நம்மோடு இணைந்து நம் கொள்கையைப் பிரச்சாரம் செய்ய முன்வந்தது எப்பேர்பட்ட மனமாற்றம். இது பெரியார் கொள்கைக்குக் கிடைத்த மாபெரும் வெற்றியல்லவா? * * * மலேசிய வானொலியில் எனது பேட்டி: மலேசியா வானொலியில் பூச்சரம் நிகழ்ச்சிக்கு நான் அளித்த பேட்டியும் எனது பயணத்தில் குறிப்பிடத்தக்க நிகழ்வாகும். இதோ அந்தப் பேட்டி! மலேசிய நாட்டுக்கு வருவதென்பது என்னைப் பொறுத்தவரையில் இது இரண்டாவது தடவையாகும். 1968லே ஒருமுறை மலேசிய நாட்டை சுற்றிப் பார்த்து திரும்பி இருக்கின்றேன். இப்போது இரண்டாவது முறையாக வந்து இருக்கின்றேன். 10 ஆண்டு காலத்தில் இங்கு ஏற்பட்டு இருக்கின்ற வளர்ச்சி அபரிமிதமாக இருக்கின்றது. பாராட்டத் தகுந்த விதமாகவும் விரும்பத் தகுந்த விதமாகவும் இருக்கின்றது. அவைகளைத் தெரிந்துகொள்வதற்கும், தந்தை பெரியார் அவர்களுடைய நூற்றாண்டான இந்த ஆண்டு அவர்களுடைய அறிவியல் கொள்கை-களையும் கருத்துக்களையும் மலேசிய மக்களுக்கு எடுத்துச் சொல்வதற்காகவும் இந்த வாய்ப்பினை பயன்படுத்தி இங்கு வந்து இருக்கின்றோம். பொதுவாக உலகம் ஒரு குலம் என்கின்ற வகையிலே யாவரும் கேளிர் என்கின்ற முறையிலே மக்களுக்குள் பிறவிபேதம் செயற்கையாக இல்லாத ஒரு நிலையிலே சமுதாயம் அமைய வேண்டும். உழைப்புக்கு மரியாதை கொடுக்கின்ற சமுதாயம் அமைய வேண்டும்; சமநீதியும், சமவாய்ப்பும் அந்த சமுதாயத்திலே இரு அம்சங்களாக இருக்க வேண்டும் என்பதை எல்லாம் ஒவ்வொரு தமிழரும், திராவிடரும் உணர்ந்து அதற்கேற்ப வாழ்வதுதான் இன்றைக்கு விரும்பத்தக்க நெறி என்பது தந்தை பெரியார் அவர்களுடைய கொள்கையாகும். அவர் காண விரும்பிய சமுதாயத்தை உருவாக்கக் கூடியவர்கள் எந்த நாட்டிலே இருந்தாலும் அவர்களைப் பாராட்டுகிறோம். அதிலும் குறிப்பாக திராவிட மக்கள் அவ்வாறு இருக்க வேண்டும் என்று நாங்கள் விரும்புகின்றோம் என்று நான் குறிப்பிட்ட-போது, என்னிடம் வானொலி நிலையத்தார் கேட்ட கேள்விகளுக்குப் பதில் அளித்தேன்.

கேள்வி: சமூக சீர்திருத்தப் பணியில் தாங்கள் பல ஆண்டுகளாக பணியாற்றி வருகின்றீர்கள். இந்த பல ஆண்டுகாலப் பணியிலே பல அனுபவங்களை பெற்று இருப்பீர்கள். அவைகளை நாங்கள் தெரிந்து கொள்ளலாமா? பதில்: என்னுடைய பத்து வயது முதற்கொண்டே தந்தை பெரியார் அவர்களுடைய சமூகப் புரட்சிக் கருத்துக்களால் ஈர்க்கப்பட்டு அவர்களுடைய தொண்டனாக என்னை ஒப்படைத்துக் கொண்டவன். முழுக்க முழுக்க சமுதாய சீர்திருத்தத்தின் மூலம்தான் ஒரு சிறப்பான திருப்பத்தினை உருவாக்க முடியும் என்று நம்புகின்றவன். தந்தை பெரியார் அவர்களின் சமுதாய சம்பந்தமான கருத்துக்கள் 5000 ஆண்டு காலத்துப் பழமையினை எதிர்த்துக் கிளம்பிய காரணத்தினாலே பலத்த எதிர்ப்புகளை ஆரம்ப காலக் கட்டத்திலே அவை சந்தித்தன. ஏனென்றால் பழமையாளர்கள் தங்கள் ஆதிக்கத்திற்கு ஆபத்து வரும்போது எதிர்ப்புக் காட்டுவதும் கூக்குரல் இடுவதும் எங்கும் இயற்கை. எவ்வளவோ எதிர்ப்புக்களையும் ஏளனங்-களையும் தந்தை பெரியார் அவர்கள் தன் போராட்டத்தின்போது சந்தித்தார்கள்.

ஆனாலும், எந்த மக்கள் அவர்களது கருத்துக்களை ஒரு காலத்தில் வரவேற்காமல் எதிர்த்தார்களோ அந்த மக்கள் பிறகு உணர்ந்து திரும்பி அந்தக் கருத்துக்கள்தான் சமுதாயத்தினுடைய தேவை என்று உணர்ந்து திருந்திய ஒரு திருப்பம் ஏற்பட்டதை தந்தை பெரியார் அவர்கள் தமது வாழ்நாளிலே கண்டு மகிழக்கூடிய வாய்ப்பினையும் பெற்றார்கள். அது வரவேற்கத் தகுந்தது; பாராட்டத் தகுந்தது. இந்த மாற்றம் என்னை மிகவும் கவர்ந்தது. கேள்வி: பெரியார் அவர்கள் மக்களிடத்தில் மட்டும் அல்லாமல் மொழியைக்கூட சீர்திருத்தம் செய்து இருக்கின்றார்கள் என்று அறிகின்றோம். இதுபற்றி தங்களுடைய கருத்து என்ன? பதில்: மொழி என்பதற்கு எந்தவிதமான புனித தத்துவமும் தேவையில்லை. அது மக்கள் ஒருவருக்கு ஒருவர் தமது கருத்துக்களை பரிமாறிக் கொள்ளக்கூடிய ஒரு கருவி அவ்வளவுதான். எப்படி போக்குவரத்துச் சாதனமோ, அதுபோல மொழியும் என்பது தந்தை பெரியார் அவர்களுடைய அடிப்படைக் கருத்தாகும். ஒரு காலத்தில் மக்கள் கட்டை வண்டியில் பயணம் செய்தார்கள். ஆனால், இன்று 3 மணி நேரத்தில் பல ஆயிரக்கணக்கான மைல்களைக் கடந்து உங்கள் நாட்டுக்கு நாங்கள் வந்ததைப் போல, மொழியிலும் மாற்றம் வேண்டும் என்று நினைத்ததால் தந்தை பெரியார் அவர்கள் வெறும் பழமையைப் பேசிக் கொண்டு மட்டும் இருந்தால் தமிழ்மொழி வளராது, அதனுடைய வளர்ச்சி உலக மக்களுக்குப் பயன்படாது என்று கருதிய காரணத்தினால் 45 ஆண்டுகளுக்கு முன்பே தந்தை பெரியார் அவர்கள் தமிழ் எழுத்தை ஆங்கில எழுத்துக்கள் சுருக்கமாக இருப்பதுபோல சுருக்கப்படலாம்; அதன் மூலம் தமிழ் தட்டச்சு, டைப்ரைட்டர் மாற்றி அமைக்கப்படலாம், தமிழ் அச்சு எழுத்துக்கள் மாற்றி அமைக்கப்படலாம்;

தமிழ் கற்கின்ற பலருக்கு எழுத்துக்கள் குறைவாக, சுருக்கமாக இருக்குமேயானால் அது ஆழமாக பரவலாகப் பயன்படலாம் என்று கருதி 247 எழுத்துக்கள் தேவை இல்லை. அதற்குப் பதிலாக 26 அல்லது 30 எழுத்துக்களுக்குள்ளாக அடக்கி விடலாம் என்று அவர்கள் நினைத்து, எழுதி, பேசி, அந்த சீர்திருத்தத்தை தாம் நடத்திய குடி அரசு, விடுதலை, உண்மை மற்றும் தாம் பதிப்பித்த இயக்க நூல்கள் இவைகளின் மூலமாக தொடர்ந்து கையாண்டு வந்தார்கள். இந்தக் கருத்தினை மக்கள் தெளிவாக புரிந்துகொள்ளும் நிலை ஏற்பட்டு, அதற்கு எதிர்ப்பெல்லாம் குறைந்த நிலையிலே தந்தை பெரியாரின் நூற்றாண்டு விழாவினை ஒட்டி தமிழக அரசு தந்தை பெரியார் அவர்களின் எழுத்துச் சீர்திருத்தத்தினை ஒரு அரசு ஆணையாகவே போட்டு, அமலுக்குக் கொண்டுவந்து தந்தை பெரியார் அவர்களுக்கு ஒரு வரலாற்றுச் சிறப்பினைச் செய்து இருக்கின்றது. அதன் காரணமாக தமிழ் மொழி ஏனைய பிறமொழி மக்களிடையே பரவுவதற்கும் எளிதாகக் கற்றுக் கொள்வதற்கும், எழுதப் படிக்கத் தெரியாத தமிழ் மக்கள்கூட எளிதில் கற்றுக் கொள்வதற்கும் சுலபமான ஒரு பெரிய வாய்ப்பாக அமைந்து இருக்கின்றது. எதையும் பயன் கருதித்தான் நோக்க வேண்டும் என்று கருதுகின்ற தந்தை பெரியார் அவர்கள் ஓர் அழிவு வேலைக்காரர் என்று சொன்னதை மாற்றி ஆக்கரீதியாகவும் அவராலே சிந்திக்க முடியும், செய்து காட்ட முடியும் என்பதற்கு அவர்களுடைய தமிழ் எழுத்துச் சீர்திருத்தம் ஒரு அருமையான நல்ல சான்றாகும்.

சங்ககாலம் பொற்காலமா? – ஒரு பகுத்தறிவுப் பார்வை -1

 

ஜனவரி 16-31 - 2014

January 16, 2014உண்மை இதழ்

– பேராசிரியர் ந.வெற்றியழகன்

எதனைச் சங்ககாலம் என்பது:

சங்ககாலத் தமிழர் வாழ்வியல்  _ பற்றி ஆய்வு செய்வதற்கு முன்னர் சங்கம் என்பது எந்தச் சங்கத்தைக் குறிக்கும்? என்று தெளிவுபடுத்துவது தேவை.

ஏற்கெனவே இருந்ததாகக் கூறப்பட்டு அவை கடற்கோளால் கொள்ளப்பட்டுப் போயின என்பது நமக்குத் தேவையில்லை.

அந்தச் சொல்லாடலில் நாம் சொல்லப்போவதும் இல்லை. நாம், சங்ககாலம் என ஆய்வுக்கு எடுத்துக் கொள்வது கடைச்சங்கம் என்று சொல்லப்படும் அமைப்பு இருந்த காலத்தையேயாகும். இதன் காலம் பற்றிப் பல கருத்து வேறுபாடுகள் உண்டு; எனினும், ஆய்வு நோக்கம் கருதி கி.மு.500 _ கி.பி.100 என்கிற காலகட்டத்தை ஏற்று, அதனையே கடைச்சங்க காலம் என்றும், சுருக்கமாக, சங்க காலம் என்றும் கொண்டு அந்தச் சங்ககாலத் தமிழர் வாழ்வியல்பற்றி பகுத்தறிவுப் பார்வையைப் படரவிட்டிருக்கிறோம்.

இலக்கிய வரலாற்றாசிரியர்கள் இயம்புவது

சமுதாய நோக்கில் தமிழ் இலக்கிய வரலாறு _ என்னும் 400 பக்க அளவிலான ஒரு நூலில் பின்வருமாறு கூறப்பட்டுள்ளது. சங்ககாலத்தைப் பொற்காலம் என இலக்கிய வரலாற்றாசிரியர்கள் இயம்புகின்றனர். தமிழ் மொழியும் தமிழர் வாழ்வும் அக்காலத்தில் மேலோங்கி இருந்தமையைச் சங்க நூல்கள் காட்டுகின்றன.

ஆக, தமிழ்மொழியும் தமிழர் வாழ்வும் மேலோங்கி இருந்ததால் அந்தக் காலம் அதாவது சங்ககாலம் பொற்காலமாம்!

பொன்னான வாழ்வு மண்ணாகிப் போச்சே!

பொற்காலமாகத் திகழ்ந்த சங்ககாலம் போல இந்தக் காலம் இல்லையே? அந்தக் காலம் மறைந்து போயிற்றே? அந்தப் பொன்னான வாழ்வு மண்ணாகிப் போனதே! என, தமிழார்வம், தமிழ்ப்பற்றுணர்ச்சி காரணமாகப் பலரும் பாராட்டு மழையில் நனைகின்றனர். இது உண்மைதானா? ஆய்வு செய்ய இருக்கிறோம்! பகுத்தறிவுப் பார்வையைப் படரவிட இருக்கிறோம்.

இன்றைய ஏற்றம்

இயற்பியல், வேதியியல், பயிரியல், உயிரியல், வானியல், அணுவியல், பொறியியல், மருத்துவ இயல் முதலான அறிவியல் துறைகளின் பேருண்மைகள், பெருவிளைவுகள் இன்று மாந்த சமுதாயத்திற்குப் பெரிதும் பயன்பட்டு வருகிறது.

இலக்கிய எழுச்சி

தொன்மையும் வளமான தன்மையும், முன்மையும் கொண்ட நம் அன்னைத் தமிழ் பற்றியும், அதில் உண்டான இலக்கியங்கள் குறித்தும் நாம் பெருமிதம் கொள்வது இயற்கையே! அவ்வப்பொழுது, நிலவிய சமுதாய அமைப்பினை எதிரொளி(லி)க்கும் இலக்கியப் படைப்புகளும் தோன்றின என்பது உண்மை. அதுசரி, அதனால், சங்ககாலத் தமிழர் வாழ்வியல் பொற்காலமா?

ஆரியம் தழைத்திருந்த அந்தக் காலம்

பொதுவாகவே, இந்திய நிலப்பரப்பினர் அல்லது தமிழர்களின் பொற்காலம் என்று புகழ(ல)ப் படுவதற்குக் காரணம், அந்தக் காலம் ஆரியம் அல்லது பார்ப்பனியம் செழித்து, கொழித்து தழைத்து இருந்தமையே என புதிய வரலாற்றாசிரியர்கள் புகல்வர். சங்க காலம் அதனால்தான் பொற்காலமா? 7 பகுதிகளாகப் பகுத்துக் கொண்டு நம் பகுத்தறிவுப் பார்வையைச் செலுத்துவோம்!

பகுதி (1): தழைத்தோங்கிய தனியுடைமைக் கோட்பாடு

வள்ளல்களும் வறியவர்களும்  பத்துப்பாட்டு, எட்டுத்தொகைப் பாடல்கள் பெரும்பாலும் மன்னர்களையும், குறுநில மன்னர்களையும் நிலக்கிழார்களையும் போற்றிப் புகழ்ந்து பரிசு பெற வறுமையில் வாடிய பாவலர்கள் பாடிய பாடல்கள், தம் வாழ்க்கையை நடத்துவதற்கு வேறு வழியின்றியே அவ்வண்ணம் பாட வேண்டிய நிலை இருந்தது.

கொடை மிகுந்ததாகவும் வள்ளல்கள் நிறைந்தவர்களாகவும் காணப்படும் சமுதாயம் வறுமை மிகுந்ததாகத்தானே இருக்கும்? மக்கள் வறுமை, பாவலர் வறுமை, கலைஞர்கள் துயரம் இவை நீக்க மன்னன் கொடைத் திறம் இவற்றைச் சங்க நூல்கள் விளக்கும்.

பசித்த வயிறு; பழங்கந்தல் உடை

வயிற்றில் பசியுடன், புறத்தில் பழங்கந்தல் உடையுடன் கூட்டங்கூட்டமாகச் சுற்றித் திரிந்த மக்கட் பிரிவினர் இருந்தனர். யாழ் கையிலே! பசி வயிற்றிலே! பொருத்தப்பட்ட பழங்கந்தை இடையிலே!! -என்ற பொருளில் கையது கடன் நிறை யாழே! மெய்யது
புரவலர் இன்மையின் பசியே! அரையது
வேற்றிழை நுழைந்த வேர்நனை சிதாஅர்
ஓம்பி உடுத்த உயவற் பாண!
இதன் பொருள்: பாணனே! (பாடிப் பரிசு பெற்று வாழும் பாடகன்) யாழ் கையிலே! பசி வயிற்றிலே!! பொருத்தப்பட்ட பழங்கந்தை இடுப்பிலே உடைய பாணனே! உன் பசி எங்கே தீரும் தெரியுமா?

மன்னன் கிள்ளிவளவனிடம் செல்வாயாக! இதுதான் பாடிப் பிழைக்க வேண்டிய பாணனுக்குக் கூறும்வழி. இது ஆலத்தூர் கிழார் பாடிய பாடலின் கருத்து.

இதிலிருந்து தெரிவது என்ன?

இதிலிருந்து இரு கருத்துகள் தெளிவு. ஒன்று, பசித்த வயிற்றுடனும் பழங்கந்தையுடனும் கூட்டங் கூட்டமாகச் சுற்றித் திரிந்த மக்கள் பிரிவினர் இருந்தனர். மற்றொன்று, பொன்னையும் பொருளையும் தேரையும் நாட்டிலுள்ள அனைத்துப் பொருள்களையும் தம் பொருளாக்கிக் கொண்டு வாழ்ந்த மன்னவன் இருந்தான்.

இருப்பவன் – இல்லாதவன்

மன்னனைப் புகழ்ந்துபாடி, அவனிடம் பரிசு பெற்று வாழும் பாணனைக் காண்கிறோம். மக்கள் பற்றிய சமுதாய நிலை இது. உடையவன் _ இல்லாதவன் வாழ்ந்த நிலை இது! இருப்பவன் இல்லாதவருக்கு ஈந்து தன் ஈகைப் பண்பினைக் காட்டிக் கொள்கிறான். இது போற்ற வேண்டிய பண்புதான்! ஆனால், இருப்பவன் _ இல்லாதவன் என்ற நிலையில் அந்த ஈகை பிறந்தது என்ற சமுதாய நிலையை நாம் பொற்காலம் என்று கூறி நம்மையே நாம் ஏமாற்றிக் கொள்கிறோமே? கற்றவர், கவிஞர், கலைஞர்கள் மன்னனைக் கண்டு கொடை பெற்றால் பிறர் நிலை _ கல்லாதார் நிலை, வாழ்வு எப்படி இருந்திருக்கும்? கொடை மிகுந்து காணப்படும் சமுதாயத்தில் வறுமை மிகுந்துதானே இருக்கும்?

பறைசாற்றும் பாடல்கள்

செல்வர்களும், வணிகர்களும் பல்லடுக்கு மாளிகைகளில் வாழ, வறியோரும் உழவர்களும் தனிச் சேரிகளில் இருந்தனர் எனப் பாடல்கள் பல பேசுகின்றன. இல்லை, பறைசாற்றுகின்றன.

இருக்கும் இடம் எதுவோ?

சுற்றம் சூழ, சின்னஞ்சிறுவர்கள் எறும்புக் கூட்ட வரிசைபோல நீண்டு, சாரைசாரையாகச் சென்று கொண்டிருக்கின்றனர். எறும்புகளின் வாய் நின்ற முட்டைகள்போல சிறுவர்களின் கைகளில் சோற்று உருண்டைகள் காயும் கும்பியை நிரப்ப. ஒரு கவளச் சோற்றுக்காகப் பறக்கும் வேதனைக் காட்சி. பாணன் ஒருவன், அவர்களைப் பார்த்து வழி கேட்கிறான். வழி எதற்கு? தன் கொடிய நோய் நீங்க! என்ன நோய்? பசி, பசி, மருத்துவன் யார்? சிறுகுடிக்கிழான் பண்ணன் என்பவன், சங்ககாலத்தில் நிலவியிருந்த வறுமை நிலையை குளமுற்றத்துத்துஞ்சிய சோழன் கிள்ளிவளவன் இந்தக் காட்சியை உயிரோவியமாகத் தீட்டியுள்ளான். யான் வாழும் நாளும் பண்ணன் வாழிய! என்பது அந்தப் புகழ்மிகு கிள்ளிவளவனின் பாடல் முதலடி. பொருளியல் வாழ்வில் ஏற்றத்தாழ்வுகள் இல்லாதவர்கள் உள்ளவர்களிடம் அடிமை வேலைகள்; அதற்குரிய ஊதியம் பெறும் தொழிலாளிகளும் இருந்தனர்.

எப்படி இருந்தது?

சங்ககாலச் சமுதாயம் இன்றுள்ள வர்க்க சமுதாயத்தின் முன்னோடிதான் உடைமையாளர், அவன் கீழ் உழைத்தவன் என்ற வர்க்கப் பிரிவுகள், உடைமையாளனுக்கே ஆட்சி என்பதன் ஆணிவேர் சங்ககாலம்தான். இன்று உடையவன் _ இல்லாதவன், செல்வன் _ வறியவன் என்று இருப்பது போலவே சங்க காலத்திலும் மக்கள் பல வேறு வர்க்கங்களாகப் பிரிந்திருந்தார்கள். இல்லாரும் இலர்; உடையாரும் இலர் என்ற நிலை சங்ககாலத்தில் இல்லை.

வர்க்கபேத வல்லாண்மை

சங்க இலக்கியங்கள் தரும் காட்சி வர்க்க பேதமற்ற வறுமையற்ற எல்லாரும் எல்லாமும் பெற்றிருந்த பொற்காலம் என்று நினைப்பது சரி அன்று. பத்துப்பாட்டில் வரும் நெடும்பாடல்கள் சோழ, பாண்டியர்களின் பேரரசுகள் பற்றியதாகும். கடற்கரை ஓரங்களிலும் ஆற்றங்கரை ஓரங்களிலும் நகரங்கள் தோன்றி மக்கள் வர்க்கப் பிரிவுகளாக வாழ்ந்த நிலையும் ஆண்டான் _ அடிமை வாழ்வும் வாழ்வின்றிச் சீரழிந்தோர் நிலையும் கண்ணாடி போல் விளக்கப்பெற்று ஒரு வர்க்க சமுதாயம் நிலவுடைமை, வல்லாண்மை அமைந்த அமைப்பு இருந்ததைக் காணமுடிகிறது.

பகுதி (2) : புகழ்வேண்டி மேற்கொண்ட போர்ப்பண்பு

சண்டைச் சமுதாயம்:  சங்ககாலச் சமுதாயம் சண்டையிடும் சமுதாயம்; போர்ச் சமுதாயம். இளைஞர்கள் போர்க்கலன்கள் ஏந்தி போர்க்களம் சென்று போர் புரிவதே அவர்கள் கடமை.

இன்னின்னார் கடமை இதுதான்!

சங்கப்பாடல் ஒன்று கூறுவதைப் பார்ப்போம். பொன்முடியார் என்கிற பெண்பால் புலவர் தாய், தந்தை, அரசன், தொழிலாளி, மகன் முதலியோர்க்குரிய கடமைபற்றிப் பாடுகிறார். ஈன்று மகனை வளர்ப்பது ஒரு தாயின் கடமை; அவனை வீரன் ஆக்குவது தந்தையின் கடமை; வேல் வடித்துக் கொடுப்பது கொல்லன் கடமை; போர்ப்பயிற்சி தருவது மன்னவன் கடமை; வாள் எடுத்துப் போர்க்களம் புகுந்து, போரிடுதல் மகன் ஆகிய இளைஞனின் கடமை! என்பது, ஈன்று புறந்தருதல் என் தலைக்கடனே என்று தொடங்கும் அந்தப் பாடலின் கருத்து. இதிலிருந்து, ஒரு மகன், (இளைஞன்) போரிடுவதே அவனுக்கு இன்றியமையா கடமை என்று தெரிகிறது. அத்தோடு, பிள்ளையைப் பெற்று வளர்ப்பதுதான் ஒரு பெண்ணின் கடமை; வேறொன்றும் இல்லை எனத் தெரிய வருகிறதல்லவா?

ஓர் இளைஞன் கல்வியாளனாகவோ அறிஞனாகவோ, ஆகவேண்டாம்! (சான்றோன் என்ற சொல்லுக்கு இந்த இடத்தில் போர்வீரன் _ என்றே மூத்த தமிழாய்வறிஞர் மயிலை. சீனி.வேங்கடசாமி கூறுகிறார்.)

செத்து மடிந்த சின்னஞ் சிறுவன்

ஒக்கூர் மாசாத்தியார் என்னும் பெண்புலவர், முன்பு அவள் அண்ணன், கணவன் போரிடச் சென்று மடிந்த பின்னும், தன் சின்னஞ்சிறு மகனை, கையிலே வேல் தந்து களம் அனுப்பிய செய்தியைப் பாடுகிறார்.

வீரமா? கோரமா?

பால்மணம் மாறாத பாலகன்கூட, போர்க்களம் புகுந்து போர்புரிவதைத் தவிர்க்க முடியாத நிலை சங்க காலத்தில் நிலவியதைக் காட்டுகிறது. இன்னும் சான்றுகள் நிறையக் காட்டலாம். விரிவஞ்சி விடுக்கின்றோம். போர்ச் சமுதாயத்தில் இளம் வீரர்கள் அல்லது சிறார்கள் கொத்துக் கொத்தாக மடிய நேர்ந்த உண்மையை மறுக்க முடியுமா?

கொள்ளையோ கொள்ளை!

இவை மட்டுமா? ஓர் அரசன் மற்றோர் அரசனை அழித்து அவன் நாட்டுச் செல்வத்தைக் கொள்ளை அடிப்பது அன்றைய சமுதாய நிலை. பாண்டியன் நன்மாறன் பிற நாடுகளைத் தாக்கி அழித்து அவர்களின் செல்வத்தை அள்ளிக் கொண்டு வந்தான்.

வண்ணக்கன் பேரி சாத்தனார் பாடிய புறப்பாடல் வழி இவ்வுண்மையை அறிகிறோம்.

இப்படிப்பட்ட அரசனைப் புகழ்ந்து பாடிய கவிஞர், புலவர்கட்குப் பரிசில் கிடைக்கும். போர்க்கள வெற்றி, பகையழித்த செயல் கொள்ளை கொண்ட பொருள்கள், பகை மன்னர் அழிதல் _ இவை வீரம் ஆகுமா?

பகுதி (3): ஆழமாய்ப் பதிந்த ஆரியப் பண்பாடு பாவாணரின் படப்பிடிப்பு

பழங்குடிப் பேதைமை; மதப் பித்தம், கொடை மடம் எனும் முக்குற்றமும் ஒருங்கு கொண்ட மூவேந்தரும் பகுத்தறிவைப் பயன்படுத்தாமல் பிராமணரை முற்றிலும் பின்பற்றியதால் கடைக்கழக(சங்க)க் காலத்தில் மதவியல், குமுகாய (சமுதாய) இயல், மொழியியல் என்னும் முத்துறையிலும் ஆரியம் வேரூன்றிவிட்டது _ என்கிறார் மொழிஞாயிறு ஞா.தேவநேயப் பாவாணர் அவர்கள். (நூல்: தமிழர் வரலாறு _ பக்கம் 248)

வேரூன்றிய வேதக்கருத்துகள்

அரண்மனைகளிலும், கோவில்களிலும், செல்வர் மாளிகைகளிலும், வழிபாடுகளும், சடங்குகளும் பிராமணர்களால் சமஸ்கிருதத்திலேயே நடத்தப்பட்டன. _ (பாவாணர்: நூல்: திருக்குறள் தமிழ் மரபுரை_ பக்கம் 19)
சனாதனப் பிடிப்புகளும், வேள்விகளும் தமிழர் வாழ்வைச் சங்ககாலத்தில் தாக்குதலுக்கு உள்ளாக்கியதோடு வேதக் கருத்துகளும் புராணப் பெருக்கமும் நிலைபெற்றுவிட்டன. முதலில், வேள்விகளின் செல்வாக்கு பற்றிப் பார்ப்போம்.
வேத வேள்விகள்:

சங்க காலத்தில் நடந்த வேள்விபற்றி, சிந்தனைச் செம்மல் கு.ச.ஆனந்தம் பின்வருமாறு நேரடி வருணனை செய்வதை முதலில் பார்ப்போம். விதானத்தடியில் பருந்துருவம் கொண்ட பல்வகை வேள்விச் சாலைகள்; விலங்கினங்களின் உயிரைச் செருக்கும் பலிபீடங்கள்; யூபம் என்ற (யாக) நெடுந்தூண்களில் கட்டப்பட்ட விலங்கினங்கள்; முத்தீச் செல்வர்கள் வளர்த்த அழற்குண்டங்கள்; முப்புரி நூலணிந்து, மான் தோலுடை பூண்டு அருமறை மந்திரங்களை அடுக்கடுக்காய் உச்சரித்து, அனல் கக்கும் குழியில் குடம் குடமாய் நெய்யை ஊற்றி, பல விலங்குகளின் உயிர்க் குலைகளை அறுத்தெடுத்து அதன் பச்சை இரத்தத்தைத் தீயில் பொழிந்து, வெட்டுண்ட உடலத்தை வாட்டி எடுத்து, வேற்றுலக வாழ்க்கைக்கும் இவ்வுலக இன்பத்திற்கும் வழிகாட்டும் விளக்கங்கள் _ (நூல்: வடிவிழந்த வள்ளுவம். பக்: 7-_8)

அள்ளி அள்ளி

பத்துப் பெருவேள்வி செய்து, இறுதி வேள்வி செய்கையில், தன் மனைவியுடன் விண்ணுலகடைந்ததாகச் சொல்லப்பட்ட பாலைக் கவுதமனார் பார்ப்பனருக்குத் துணையாயிருந்து வேள்வி நடாத்தி, பெருங் கொடைகளை அவர்களுக்கு அள்ளி அள்ளிக் கொடுத்த வேந்தர் பெருமக்களும் சங்கத் தமிழகத்தில் வாழ்ந்தவர்கள்தாம்!