கோயில் நுழைவுப் போராட்டம் உண்மை என்ன?

 Mobile Logo

முகப்பு

சிற்றிதழ்கள்

தலித் முரசு

தலித் முரசு - ஆகஸ்ட் 2007

தொடர்புடைய படைப்புகள்

விநாயகர் சிலை ஊர்வலங்களில் பங்கேற்பது - அம்பேத்கர் கொள்கைக்கு இழைக்கும் துரோகம்!

அழைப்பு விடுத்தார் சாவர்க்கர், நிராகரித்தார் அம்பேத்கர்!

இந்தியப் பொருளாதார வீழ்ச்சியும் பணவீக்கமும்

இந்து மதம் குறித்து நான் ஏன் பெருமிதம் கொள்ள வேண்டும்?

நக்வெய்ன் மார்க்சியப் பள்ளியில் (3)

மதத்தால் வேறுபடும் சாதிய ஒடுக்குமுறை

இடஒதுக்கீடு உரிமையை ஒழித்திட இராசுட்ரிய சுயம்சேவக் சங்கம்

அம்பேத்கர்-பெரியார் படிப்பு வட்டமும் இந்துமத வெறியர்களின் கொட்டமும்

சங்கரன்கோவிலில் ‘நிமிர்வோம்’ அறிமுகக் கூட்டம்

அன்பர்களே! அம்பேத்கர் இந்து அல்லர்

கோயில் நுழைவுப் போராட்டங்களை நடத்தியவர்கள் யார்?

வாலாசா வல்லவன் பிரிவு: தலித் முரசு - ஆகஸ்ட் 2007 வெளியிடப்பட்டது: 03 மே 2010

கோயில் நுழைவுப் போராட்டம், வரலாற்றின் ஒவ்வொரு காலகட்டத்திலும் பேசப்பட்டிருக்கிறது. இந்து மதத்தைப் பொறுத்தவரை, கோயில் கர்ப்பக்கிரகம்தான் சாதிய ஏற்றத் தாழ்வுகளின் பிறப்பிடமாக, உற்பத்திக் கேந்திரமாக இன்றளவும் விளங்குகிறது. எனவே, பாகுபாட்டின் - தீண்டாமையின் தோற்றுவாயில் சமத்துவத்தைக் கோரும்போது, அதில் வெற்றி பெறும்போது, சமூகத்தின் பிற நிலைகளில் இயல்பாகவே சமத்துவம் மிளிரும். அதனால்தான் கடவுளை மறுத்த பெரியார்கூட, கோயில் நுழைவு மற்றும் அனைத்துச் சாதியினரும் அர்ச்சகராக வேண்டும் என்பதில் தீவிரம் காட்டினார். அர்ச்சகர் பதவிகளை ஜனநாயகப்படுத்துவது என்பது, சமூகத்தை ஜனநாயகப்படுத்துவதற்கான முதற்படி என்பதே அம்பேத்கரின் கருத்துமாகும்.

M.C.Raja

தற்பொழுது கோயில் நுழைவுப் போராட்டங்களை பார்ப்பனர்களும், தேவர்களும் முன்னின்று நடத்தியதாக ஆதாரமின்றி கட்டுக் கதைகள் ("தினமணி' - 8.7.2007; இல. கணேசன் பேட்டி - "புதிய பார்வை', ஆகஸ்ட் 2007) வெளிவரத் தொடங்கியுள்ளன. எனவே, கோயில் நுழைவுப் போராட்டங்கள் தொடர்பான வரலாற்றுப் பின்னணியை உற்று நோக்க வேண்டிய தேவை எழுந்துள்ளது. தமிழகத்தைப் பொறுத்தவரையில், கோயில் நுழைவுக்கான முயற்சி 1872களிலேயே தொடங்கிவிட்டது. இதை நாடார் சமூகம் முன்னின்று நடத்தியது. பார்ப்பனரல்லாதார் இயக்கம், நீதிக்கட்சி என்றழைக்கப்பட்ட தென்னிந்தியர் நலவுரிமைச் சங்கம், 30.11.1917 அன்று நெல்லையில் நடைபெற்ற நீதிக்கட்சி தென்மண்டல மாநாட்டில், இந்து கோயில்களுக்குள் இந்து நாடார்களை அனுமதிக்க வேண்டும் என்று தீர்மானம் நிறைவேற்றியது. "ஆதிதிராவிடர் பொது இடங்களில் நடப்பதைத் தடுப்பவர்களுக்கு அபராதம் விதிக்க வேண்டும்; அதற்கு ஒரு சட்டம் இயற்ற வேண்டும்' என எம்.சி. ராஜா 1921இல் கோரிக்கை வைத்தார்.

நீதிக்கட்சி அரசு 1925 இல் இயற்றிய இந்து அறநிலையத் துறைச் சட்டத்தின்படி நாடார்களும், ஆதிதிராவிடர்களும் கோயில்களில் அறங்காவலர் குழுவில் அங்கம் வகிக்க வழிவகை செய்யப்பட்டது. இந்த காலகட்டத்தில்தான் பெரியார் காங்கிரசில் வகுப்புரிமைக்காகப் போராடி, இனி காங்கிரசை ஒழிப்பதே என் வேலை என்று வெளியேறி சுயமரியாதை இயக்கம் கண்டார். 1926 தேர்தலில் நீதிக்கட்சி தோல்வியுற்றது. திராவிடர் இயக்கத்தின் சார்பில் முதல் கோயில் நுழைவுப் போராட்டத்தை நடத்தியவர் ஜே.எஸ். கண்ணப்பர். திருவண்ணாமலை கோயிலில் 7.2.1927 அன்று அவர் கோயில் நுழைவு செய்தார். அவர் மீது வழக்குப் பதிவு செய்யப்பட்டு 30.4.1928 அன்று வழக்கு முடிவுற்றது. கோயில் குருக்கள் கண்ணப்பர் வரும்போது கதவை மூடிச் சென்றதால் ராமநாத சாஸ்திரி, குப்புசாமி குருக்கள் ஆகியவர்களுக்கு தலா ரூ. 100 அபராதம் விதிக்கப்பட்டது; கண்ணப்பருக்கு ரூ. 100 இழப்பீடு அளிக்கவும் உத்தரவிடப்பட்டது ("குடி அரசு' 6.5.28).

1929 ஏப்ரலில் குத்தூசி குருசாமி முயற்சியில் ஈரோடு ஈஸ்வரன் கோயிலில், கோயில் நுழைவுப் போராட்டம் நடத்தப்பட்டு ஒன்றரை ஆண்டுகள் வழக்கு நடத்தி, சுயமரியாதை இயக்கத்தினர் வெற்றி பெற்றனர். 1929 மே 26 அன்று அண்ணல் அம்பேத்கர் தலைமையில் நாக்பூரில் சுயமரியாதை மாநாடு, உண்மை நாடுவோர் சங்கம் மூலம் நடத்தப்பட்டது. அம்பேத்கரை பற்றிய சிறப்பான அறிமுகத்துடன் அவருடைய தலைமை உரையை "ரிவோல்ட்' ஏடு (23.6.1929) வெளியிட்டது. அண்ணல் அம்பேத்கர் அவர்கள் 3.3.1930 அன்று நாசிக் காலாராம் கோயிலில் சத்தியாகிரகத்தை நடத்தினார். 500 பெண்கள் உள்பட 8,000 பேர் இதில் பங்கேற்றனர். 2.5.1932 அன்று சென்னை ஆதிதிராவிடர் சங்கத்தை சேர்ந்தவர்கள், மயிலாப்பூர் கபாலீசுவரர் கோயிலில் நுழைந்து பூசை செய்து வழிபட்டனர். அதே போல திருவல்லிக்கேணி பார்த்தசாரதி கோயிலிலும் பண்டிதர் அயோத்திதாசர் மகன் பட்டாபிராமன் தலைமையில் ஆதிதிராவிடர்கள் கோவிலுக்குள் சென்று வழிபாடு நடத்திவிட்டு வந்தனர். "ஒன்றும் குடிமுழுகிப் போய் விடவில்லை' என 3.5.32 "திராவிடன்' ஏடு எழுதியது.

இவ்வாறு எண்ணற்ற முயற்சிகள், சாதி ஒழிப்பையும், உரிமை வேட்கையையும் மய்யமாகக் கொண்டு, கோயில் நுழைவுப் போராட்டங்கள் நிகழ்த்தப்பட்டுள்ளன.

31.1.1933 அன்று டாக்டர் சுப்பராயன், சென்னை சட்டமன்றத்தில் கோயில் நுழைவு உரிமைக்கான சட்டவரைவு ஒன்றை கொண்டு வந்தார். அப்போது சுப்பராயன் எதிர்க்கட்சி வரிசையில் இருந்தார். நீதிக்கட்சி ஆட்சி நடைபெற்றுக் கொண்டிருந்தது. "சுப்பராயன் எதிர்க் கட்சியைச் சார்ந்தவர் என்ற காரணத்தினால், நீதிக்கட்சியினர் இதை ஆதரிக்காமல் விட்டுவிடக் கூடாது. இம்மசோதாவை கட் டாயம் ஆதரிக்க வேண்டும்' என்று மசோதா வரும் முன்பே பெரியார் எழுதினார் ("குடி அரசு' - 10.11.32). இம்மசோதா மீது நடைபெற்ற விவாதத்தில் தாத்தா ரெட்டமலை சீனிவாசன் உட்படப் பலரும் பேசினர். நீதிக் கட்சியில் சிலர் ஆதரித்தனர், சிலர் நடுநிலை வகித்தனர். மசோதாவுக்கு ஆதரவாக 56 வாக்குகளும் நடுநிலையாக 19 வாக்குகளும் பதிவாயின. எதிர்ப்பு என்பதே இல்லை. சட்டமன்றத்தால் நிறைவேற்றப்பட்ட இந்த மசோதாவுக்கு வைசிராய் ஒப்புதல் கொடுக்காத காரணத்தால், இது சட்டமாக்கப்படவில்லை.

சுப்பராயன் மசோதாவிற்கு மாற்றாக ரங்க அய்யர் கோயில் நுழைவு மசோதா ஒன்று டெல்லி சட்டசபையில் (பார்லிமெண்ட்) 24.3.1933 அன்று தாக்கல் செய்யப்பட்டது. இந்த மசோதாவில் பல குறைபாடுகள் இருந்தன. இதனால் இதை அம்பேத்கர் ஆதரிக்க மறுத்தார். காந்தி இதை ஆதரித்துப் பிரச்சாரம் செய்ய ஜி.டி. பிர்லா, ராஜாஜி, தேவதாஸ் காந்தி ஆகியோர் கொண்ட குழுவை அமைத்தார். 1935இல் தேர்தல் வருவதைக் கருத்தில் கொண்டு காங்கிரஸ் கட்சியினர் இம்மசோதாவை விவாதத்திற்கு எடுத்துக் கொள்ளாமலேயே குழி தோண்டி புதைத்தனர்.

சென்னை மாகாணத்தில் நீதிக்கட்சி ஆட்சி 1937 தேர்தலில் தோல்வி கண்டது. 1937இல் ராஜாஜி முதல் அமைச்சரானார். எம்.சி. ராஜா அப்போது அவர்களுடன் இருந் தார். 15.8.1938 அன்று எம்.சி. ராஜா கோயில் நுழைவு மசோதா ஒன்றை சட்டமன்றத்தில் தாக்கல் செய்து, "டாக்டர் சுப்பராயன் மசோதாவிற்கு, கவர்னர் ஜெனரல் ஒப்புதல் தரவில்லை. ரங்க அய்யர் மசோதா புதைக்கப்பட்டது. எனவே, கோவில் நுழைவு உரிமைக்காக நான் இப்போது இந்த மசோதாவை தாக்கல் செய்கிறேன்'' என்றார். முதல்வர் ராஜாஜி, "வேண்டாம் திரும்பப் பெற்றுக் கொள்ளுங்கள்' என்றார். எம்.சி. ராஜா, முடியாது விவாதத்திற்கு எடுத்துக் கொண்டே ஆக வேண்டும் என்பதில் பிடிவாதமாக இருந்தார். உடனே ராஜாஜி இந்த மசோதாவை எதிர்த்துப் பேசிவிட்டு வாக்கெடுப்புக்கு விட்டார். இதற்கு 24 பேர் ஆதரவு தெரிவித்தனர்; 130 பேர் எதிர்ப்புத் தெரிவித்தனர். கோயில் நுழைவில் ராஜாஜியின் அக்கறையும், யோக்கியதை யும் இவ்வளவுதான்.

காங்கிரஸ் இயக்கம் 1885இல் தொடங் கப்பட்டது. 1916 வரையில் நடைபெற்ற காங்கிரஸ் மாநாடுகளில், தாழ்த்தப்பட்ட மக்களைப் பற்றி எந்த ஒரு தீர்மானமும் நிறைவேற்றப்படவில்லை. 1917இல் அன்னி பெசன்ட் தலைமையில் நடைபெற்ற மாநாட்டில்தான் தீண்டாதார் பிரச்சனை பற்றி பேசப்பட்டது. 1919க்குப் பிறகு காந்தி காங்கிரசை கைப்பற்றுகிறார். காந்தி வர்ணசிரம ஆதரவாளர், அழுத்தமான இந்து சனாதனி, வெளிவேடத்திற்கு தீண்டாமை ஒழிப்பைப் பற்றி பேசி வந்தவர்.

"தீண்டாதார்களுக்கு நான் கூறும் பொதுவான யோசனை என்னவென்றால், தீண்டாமை தீமை நடைமுறையில் இருக்கும் வரையில், அவர்கள் ஆலயப் பிரவேச உரிமையை சோதனை செய்து பார்க்க வேண்டாமென்பதுதான். கர்ப்பகிரகத்திற்குள் செல்லும்படி நான் யாருக்கும் யோசனை கூறியதே இல்லை'' ("யங் இந்தியா' - 8.12.1927).

யார் இந்த மதுரை வைத்தியநாத அய்யர்? 1922இல் திருப்பூர் காங்கிரஸ் மாநாட்டில் நாடார்கள் கோவில் நுழைவு தீர்மானம் கொண்டு வந்தால், காங்கிரசை விட்டே விலகி விடுவேன் என மிரட்டி தீர்மானம் நிறைவேறாமல் செய்தவர். சேரன் மாதேவி குருகுலப் போராட்டத்தில், பார்ப்பன சிறுவர்களோடு மற்ற சாதிச் சிறுவர்கள் ஒன்றாக அமர்ந்து உணவருந்தலாம் எனத் தீர்மானம் கொண்டு வந்தவுடன் காங்கிரஸ் காரிய கமிட்டியிலிருந்து விலகியவர். இந்நிலையில், மதுரை மீனாட்சி அம்மன் கோயிலுக்கு அவர் தாழ்த்தப்பட்ட மக்களை அழைத்துச் சென்றார் என்ற கூற்றில் உண்மை இருக்க முடியுமா?

1939 சூலை 8 அன்று வைத்திய நாத அய்யர், அமைச்சர் டி.எஸ்.எஸ். ராஜன் வருவதாகச் சொல்லி, குருக்களை இரவு இருக்கச் சொல்லியிருந்தார். இரவு 8.45 மணிக்கு 5 ஆதிதிராவிடர்களையும், ஒரு நாடாரையும் வைத்தியநாத அய்யர் (அய்ந்து ஆதிதிராவிடர்கள் : சுவாமி முருகானந்தம், பி. கக்கன், முத்து, சின்னையா, ஆர். பூவாலிங்கம், விருதுநகர் நகர மன்ற உறுப்பினர் எஸ்.எஸ். சண்முக நாடார்) அழைத்துச் சென்றார் (ஆதாரம் : "தமிழ் நாட்டில் காந்தி' பக். 624). அதற்குப் பிறகு வெளியில் வந்து "அரிசன ஆலயப் பிரவேசம்' நடந்துவிட்டதாக அறிவித்தார். இதை அறிந்த பட்டர்கள், கோயிலைப் பூட்டி விட்டுச் சென்றனர். அங்கு அறங்காவலராக இருந்த ஆர்.எஸ். நாயுடு, நீதிக் கட்சிக்காரர். எனவே, அவர் மறுநாள் பூட்டை உடைத்து கோயிலைத் திறந்து விட்டார். "இரவு 8.45 மணிக்கு மந்திரி வருகிறார் என்று சொல்லி கோயில் பட்டரை ஏமாற்றி கூட்டிக் கொண்டு, நிர்வாகி ஆர்.எஸ். நாயுடு வந்தார். அந்நேரம் பார்த்து கோயிலுக்குள் நுழைந்த வைத்தியநாதய்யரிடம் பட்டர் ஒரு ரூபாய் வாங்கிக் கொண்டு தீபாராதனை காண்பித்து விபூதி கொடுத்தார். அதன் பின்னரே அவருடன் வந்தவர்கள் - அய்ந்து பஞ்சமரும் ஒரு நாடாரும் எனத் தெரிந்தது என வர்ணாசிரம சங்கம் சார்பில் துண்டறிக்கை விநியோகிக்கப்பட்டது'' ("விடுதலை' - 13.7.1939).

கோயில் நுழைவை பகிரங்கமாக நடத்தும் நோக்கமும் துணிவுமின்றி, இரவு 8 மணிக்கு மேல் கோயில் நுழைவு நாடகமாடியதற்குக் காரணம் என்ன என்பதை பெரியார் விளக்குகிறார் : "தேர்தல் வந்தது, கதவும் திறந்தது. வரவிருக்கும் உள்ளாட்சித் தேர்தலை மனதிற்கொண்டே வைத்தியநாதய்யர் நாடகமாடினார். இது, ராஜாஜியின் சூழ்ச்சி. இதனால் ஆதிதிராவிடர்களுக்கு நிரந்தரப் பயன் எதுவும் இல்லை. செய்கிற சட்டத்தை ஒழுங்காகவும் நன்றாகவும் செய்ய வேண்டும் என பெரியார் வேண்டுகோள் விடுத்தார்'' ("விடுதலை', 12.7.1939).

நடேச அய்யர் தலைøமயில் வைதிகர் கள் கோயில் நுழைவை எதிர்த்து வழக்கு தொடுத்தனர். இதிலிருந்து வைத்தியநாத அய்யரைக் காப்பாற்றவே, ராஜாஜி ஆலய நுழைவு அவசர சட்டம் ஒன்றை இயற்றினார். பின்பு அது சட்டமாக்கப்பட்டது. இதனால் அவர்கள் கைது செய்யப்படாமல் காப்பாற்றப்பட்டனர். இதைத்தான் வரலாறு படைத்த ஆலயப் பிரவேசம் என்று வி.கே. ஸ்தாது நாதன் 7.7.07 அன்று "தினமணியில்' எழுதியிருக்கிறார். இதைவிட ஒரு பெரிய மோசடி என்னவென்றால், 8.7.07 அன்று "தினமணி'யில் "மீனாட்சி அம்மன் கோயிலில் 68 ஆண்டுகளுக்கு முன் தீண்டாமையை அகற்றிய அரிஜன ஆலயப் பிரவேசம்' என்று ஒரு படத்தை வெளியிட்டுள்ளதுதான். உண்மையில் அந்தப்படம், ஆலயப் பிரவேசம் நடந்ததாக சொல்லப்படும்போது எடுக்கப்பட்ட படமல்ல. வேறு எங்கோ எடுக்கப்பட்ட படம் அது.

இதைவிட ஒரு பெரிய கொடுமை, விடுதலைச் சிறுத்தைகள் மண்ணுரிமை மாநாட்டில் இயற்றிய தீர்மானம். "காந்தியார் கோயில் நுழைவு நடத்தச் சொன்னதாகவும், வைத்தியநாத அய்யர் தலைமையில் அது நடந்ததாகவும், அவருடன் முத்துராமலிங்கத் தேவர் இருந்ததாகவும் - அதனால் அந்த நாளில் கோயில் நுழைவை நடத்த வேண்டும்' என்றும் "நமது தமிழ்மண்' (சூலை 2007) தலையங்கம் கூறுகிறது. இந்த கோயில் நுழைவுப் போராட்டம் நடந்த காலத்தில் முத்துராமலிங்கத் தேவர் சட்டமன்ற உறுப் பினர். அவர் அதில் கலந்து கொண்டதற்கான எந்த ஆதாரங்களும் இல்லை. அவர், சத்தியமூர்த்தி அய்யரின் ஆதரவாளர். போராட்டம் நடத்திய வைத்திய நாத அய்யரோ ராஜாஜியின் சீடர். காங்கிரஸ் உட்கட்சிப் பூசல் இருந்த நேரம் அது. வைத்திய நாதய்யரே கோயில் நுழைவுப் போராட்டத்தை நடத்தவில்லை என்னும்போது, அதில் முத்துராமலிங்கத்திற்கு இடமேது?

அண்ணல் அம்பேத்கரின் காலாராம் கோயில் போராட்டமே ஒடுக்கப்பட்ட மக்களுக்கு குறியீடாக இருக்க முடியும். சாதி இந்துக்கள் நடத்தாத ஒரு போராட்டத்தைக் கொண்டாடுவது, வரலாற்றை முன்மொழிவதாகாது; வரலாற்றைப் பிழையாக

மொழிவதிலேயே அது முடியும்.

-Thamizh Inian முகநூல் பதிவு, 29.9.26

அமைப்பு சாரா தொழிலாளர்கள் நல வாரிய உறுப்பினராவதற்கு வழிமுறைகள்

நல வாரிய உறுப்பினராக இல்லாதவர்கள் உடனே உறுப்பினராவதற்கு இந்த பதிவு உதவும் என்று கருதுகிறேன்.

தமிழ்நாடு அமைப்புசாரா தொழிலாளர் நல வாரியங்கள் பற்றி ஒரு பார்வை.

தமிழ்நாட்டிலுள்ள அமைப்பு சாரா தொழில்களில் ஈடுபட்டுள்ள தொழிலாளர்களின் பணி நிலைமைகளை ஒழுங்குபடுத்தவும், அவர்களுக்கு சமூக பாதுகாப்பு அளிக்கவும் தமிழ்நாடு அரசு 1982ம் ஆண்டில் தமிழ்நாடு உடல் உழைப்புத் தொழிலாளர்கள் வேலை வாய்ப்பு மற்றும் பணி நிலைமைகள் முறைப்படுத்துதல் சட்டத்தினை இயற்றியது.

தமிழக அரசால் செயல்படுத்தப்பட்டு வரும் 17 நல வாரியங்கள்.

1. தமிழ்நாடு கட்டுமானத் தொழிலாளர்கள் நல வாரியம்

2. தமிழ்நாடு உடலுழைப்புத் தொழிலாளர்கள் நல வாரியம்.

3. தமிழ்நாடு அமைப்புசாரா ஓட்டுநர்கள் நல வாரியம்,

4. தமிழ்நாடு சலவைத் தொழிலாளர்கள் நல வாரியம்.

5. தமிழ்நாடு முடித்திருத்துவோர் நல வாரியம்.

6. தமிழ்நாடு தையல் தொழிலாளர்கள் நல வாரியம்.

7. தமிழ்நாடு கைவினைத் தொழிலாளர்கள் நல வாரியம்.

8. தமிழ்நாடு பனைமரத் தொழிலாளர்கள் நல வாரியம்.

9. தமிழ்நாடு கைத்தறி மற்றும் கைத்தறிப்பட்டு நெய்யும் தொழிலாளர்கள் நல வாரியம்.

10. தமிழ்நாடு ஓவியர் நல வாரியம்.

11. தமிழ்நாடு பொற்கொல்லர் நல வாரியம்.

12. தமிழ்நாடு பொற்கொல்லர் நல வாரியம்.

13. தமிழ்நாடு மண்பாண்டத் தொழிலாளர்கள் நல வாரியம்.

14. தமிழ்நாடு வீட்டுப்பணியாளர்கள் 

நல வாரியம்.

15. தமிழ்நாடு விசைத்தறி நெசவாளர்கள் நல வாரியம்.

16. தமிழ்நாடு பாதையோர வணிகர்கள் மற்றும் கடைகள் மற்றும் நிறுவனங்களில் பணிபுரியும் தொழிலாளர்கள் நல வாரியம்.

17. தமிழ்நாடு சமையல் தொழிலாளர்கள் நல வாரியம்.

தமிழ்நாடு கட்டுமானத் தொழிலாளர்கள் நல வாரியம் 30.11.1994 அன்று அரசால் ஏற்படுத்தப்பட்டது. இவ்வாரிய நலத்திட்டத்தின் அட்டவணையில் குறிப்பிட்டுள்ள தொழில் இனங்கள் ஆகிய 53 வகையான தொழில்களில் பணிபுரியும் தொழிலாளர்களுக்கு 

நலத் திட்ட உதவிகள் வழங்கப்பட்டு வருகின்றன.

53 வகையான கட்டுமானத் தொழில்கள்.

1. கல் உடைப்பவர்

 (அ) கல் வெட்டுபவர் (அ) கல் பொடி செய்பவர்.

2. கொத்தனார் (அ) செங்கல் அடுக்குபவர்.

3. தச்சர்.

4. பெயிண்டர் அல்லது வார்னிஷ் பூசுபவர்.

5. கம்பி வளைப்பவர் உட்பட பிட்டர்.

6. சாலை குழாய் பதிப்பு பணியாளர்.

7. எலக்ட்ரிஷியன்.

8. மெக்கானிக்.

9. கிணறு தோண்டுபவர்.

10. வெல்டர்.

11. தலைமை கூலியாள்.

12. கூலியாள்.

13. தெளிப்பவர் மற்றும் கலப்பவர்.(சாலை பரப்பும் பணி)

14. மரம் அல்லது கல் அடைப்பவர்.

15. கிணற்றில் தூர் எடுப்பவர்.

16. சம்மட்டி ஆள்.

17. கூரை வேய்பவர்.

18. மேஸ்திரி.

19. கருமான், கொல்லன்.

20. மரம் அறுப்பவர்.

21. சந்துகள் அடைத்து நீர் உட்புகாமல் செய்பவர்.

22. கான்க்ரீட் மிக்ஸர் அப்ரேட்டர் உட்பட கலப்பவர்.

23. பம்ப் ஆபரேட்டர்.

24. மிக்ஸர் டிரைவர்.

25. ரோலர் டிரைவர்.

26. கனரக இயந்திர கட்டுமானப் பணியில் ஈடுபட்டுள்ள கலாசிஸ் மற்றும் சுரங்க பணியாளர்கள்.

27. காவலாளி.

28. மொசைக் பாலீஸ் செய்பவர்.

29. சுரங்க வழி தோண்டுபவர்.

30. பாறை உடைப்பவர் குவாரி வேலையாள்.

31. சலவைக்கல் / கடப்பாக்கல் வேலையாள்.

32. சாலை பணியாளர்.

33. கட்டுமானப் பணி தொடர்பான மண் வேலை செய்பவர்.

34. சுண்ணாம்பு பதப்படுத்துவோர்.

35. கடல் அரிப்பு தடுப்பு பணியில் ஈடுபடும் வேலையாள்.

36. அணைகள் கட்டுமானம் மற்றும் பராமரிப்பு, பாலங்கள், சாலை அல்லது மற்ற கட்டுமானப் பணிகளில் உள்ளபடியாக ஈடுபட்டுள்ள மற்ற வகையான தொழிலாளர்கள்.

37. அணைகள் கட்டுமானம் மற்றும் பராமரிப்பு, பாலங்கள், சாலை அல்லது மற்ற கட்டுமானப் பணிகளில் உள்ளபடியாக ஈடுபட்டுள்ள மற்ற வகையான தொழிலாளர்கள்.

38. தொழிற்சாலை சட்டத்தின் கீழ் வராத செங்கல் சூளை தொழிலாளர்கள்.

39. பந்தல் கட்டுமானம்.

40. தீயனைப்பு கருவிகளை பொருத்துதல் மற்றும் பழுதுபார்த்தல்.

41. குளிரூட்டுதல் மற்றும் சூடுபடுத்துதல் கருவிகளை பொருத்துதல் மற்றும் பழுதுபார்த்தல்.

42. மின்தூக்கி மற்றும் மின்படி பொருத்துதல்.

43. பாதுகாப்பு கதவுகள் மற்றும் கருவிகள் பொருத்துதல்.

44. இரும்பு மற்றும் உலோக கிராதி ஜன்னல் கதவுகள் புனைத்து கட்டுதல் மற்றும் பொருத்துதல்.

45. நீர் எடுக்கும் கட்டமைப்பு தொடர்பான கட்டுமானம்.

46. கார்பெட்டிங், பொய்கூரை விளக்கு அமைத்தல், மேற்பூசுதல் தொடர்பான உள்ளலங்காரம்.

47. கண்ணாடி வெட்டுதல், இழைத்தல் மற்றும் கண்ணாடி பேனல்கள் பொருத்துதல்.

48. சோலார் பேணல் போன்ற மின்மிகை சாதனங்கள் பொருத்துதல்

49. சமையல் கூடம் போன்ற இடங்களில் நவீன அறைகள் அமைத்தல்.

50. முள் புனைத்து அமைக்கப்பட்ட கான்கிரீட் பொருட்கள் பொருத்துதல்.

51. கோல்ப் மைதானம், நீச்சல் குளம் உட்பட்ட விளையாட்டு மற்றும் பொழுதுபோக்கு அரங்குகளை கட்டுதல்.

52. கல்பெயர் பலகை, தெரு அறைகலன்கள், பேருந்து நிழற்கூரை, பணிமனைகள் நிறுத்தங்கள் மற்றும் அறிவிப்பு 

குறி போன்ற கட்டுமானம் மற்றும் நிறுத்துதல்.

53. ரோட்டரி மற்றும் செயற்கை நீருற்று போன்ற கட்டுமானம்.

54. பொது பூங்கா நடைபாதை போன்ற கட்டுமானம் மற்றும் இயற்கை நிலைக்காட்சி அமைத்தல்

2. தமிழ்நாடு உடலுழைப்புத் தொழிலாளர்கள் நல வாரியம்.

மற்றும் 15 நல வாரியங்கள்

தமிழ்நாடு உடலுழைப்புத் தொழிலாளர்கள் நல வாரியம் 17,03,1999 அன்று அரசால் ஏற்படுத்தப்பட்டது,

இவ்வாரியங்கள் மூலம் நலத்திட்டங்களில் பட்டியல் இடப்பட்ட தொழில் இனங்கள் ஆகிய 60 வகையான தொழில்களில் பணிபுரியும் தொழிலாளர்களுக்கு நலத்திட்ட உதவிகள் வழங்கப்பட்டு வருகிறது.

60 வகையான அமைப்புசாரா தொழில்கள்.

1. சுமை ஏற்றுதல், இறக்குதல், அடுக்குதல், சிப்பம் கட்டுதல், தூக்கிச் செல்லுதல், எடைபோடுதல், அளவிடுதல் அல்லது இத்தகைய வேலைகளுக்கான ஆயத்த அல்லது இது தொடர்பான பணி உள்ளிட்ட உடலுழைப்பு வேலைகளில் ஈடுபடுதல்.

2. சந்தை அல்லது கடை அல்லது டிப்போ அல்லது தொழிற்சாலை அல்லது சேமிப்புக் கிடங்கு அல்லது கிடங்கு அல்லது இதர நிறுவனம்.

3. 1948-ஆம் வருட துறைமுகத் தொழிலாளர்கள் சட்டத்திற்குட்படாத துறைமுகங்கள்,

4. இரயில்வே நிர்வாகத்தால் பணியமர்த்தப்படாத உடலுழைப்புத் தொழிலாளர்கள் பணிபுரியும் இரயில்வே யார்டுகள் மற்றும் குட்ஸ்ஷெட்டுகள்.

5. 1959- ஆம் வருட தமிழ்நாடு வேளாண் விளை பொருள் சந்தைகள் சட்டத்தால் அமைக்கப்பட்ட சந்தைக் குழுக்களின் கட்டுப்பாட்டிற்கு உட்பட்ட சந்தை.

2. பொது போக்குவரத்து வாகனங்களில் சுமை ஏற்றுதல், இறக்குதல் மற்றும் அது தொடர்பான இதர வேலைகள்.

3. உணவு தானியங்கள் ஏற்றுதல், இறக்குதல் மற்றும் கிடங்குகளுக்கு கொண்டு செல்லுதல், உணவு தானியங்களை பிரித்தல் மற்றும் சுத்தம் செய்தல், உணவு தானியங்களை பைகளில் நிரப்புதல் மற்றும் அந்த பைகளை தைத்தல் மற்றும் இதன் தொடர்புடைய இதர வேலைகள்,

4. உப்பளங்களில் வேலை செய்தல்

5. கள் இறக்கும் தொழில்

6. படகு பணி

7. மரத்தொழில்

8. கயிறு தொழில்

9. தோல் பதனிடுதல் மற்றும் தோல் உற்பத்தி

10. தானியங்கி பணிமனையில் (ஆட்டோ மொபைல் ஒர்க்ஷாப்) பணிபுரிதல்)

11. அப்பளம் தயாரித்தல்

12. வெளுத்தல் மற்றும் சாயத் தொழில்

13. மாட்டு வண்டி ஓட்டுதல்

14. உணவு சமைத்தல்

15. தேங்காய் உரித்தல்

16. வனப்பொருட்கள் சேகரித்தல்

17. உணவு நிறுவனங்களில் பணிபுரிதல்

18. முந்திரி தொழில்

19. ஆட்டோ, டாக்சி, வேன், டெம்போ, லாரி மற்றும் பேருந்து ஓட்டுதல் அரசுத் துறை வாகனங்கள் நீங்கலாக

20. எல்.பி.ஜி. சிலிண்டர் விநியோகித்தல்

21. சைக்கிள் ரிக்ஷா ஓட்டுதல்

22. பொறியியல் தொழில்

23. பட்டாசு மற்றும் தீப்பெட்டி தொழில்

24. துணி மடிக்கும் தொழில்

25. காலணி மற்றும் தோல் பொருட்கள் தயாரித்தல்

26. சாக்குத் தொழில்

27. தங்க, வெள்ளி ஆபரணங்கள் தயாரித்தல்

28. கைத்தறி மற்றும் கைத்தறி பட்டு நெய்தல்

29. அகர்பத்தி தயாரித்தல்

30. துணி துவைத்தல் மற்றும் சலவை இடுதல்

31. பதநீர் இறக்குதல்

32. பேனா எழுதுமுனை தயாரித்தல்

33. மாவு ஆலை, எண்ணெய் ஆலை, பருப்பு ஆலை மற்றும் அரிசி ஆலையில் பணிபுரிதல்

34. அச்சகங்களில் பணிபுரிதல்

35. விசைத்தறித் தொழில்

36. தனியார் பாதுகாவல் பணிகள்

37. பிளாஸ்டிக் தொழில்

38. மண்பாண்டத் தொழில்

39. குப்பைகள் சேகரித்தல்

40. முடித்திருத்துதல் மற்றும் அழகு நிலையங்களில் பணிபுரிதல்

41. தெரு வியாபாரம்

42. ஜவ்வரிசி தொழில்

43. செயற்கை வைரம் வெட்டுதல்

44. பட்டுப்புழு வளர்த்தல்

45. கடைகள் மற்றும் நிறுவனங்களில் பணிபுரிதல்

46. தையல் தொழில்

47. மரம் ஏறுதல்

48. தகர அடைப்பான்கள் தயாரித்தல்

49. பாத்திரங்கள் தயாரித்தல்

50. மரவேலைக் கூடங்களில் பணிபுரிதல்

51. வீட்டுவேலைகளில் பணிபுரிதல்

52. சைக்கிள் பழுது பார்த்தல்

53. கல் மற்றும் பிற பொருட்களில் சிற்ப வேலைகள் செய்தல்

54. களிமண், காகித கூழ் உட்பட பிற பொருட்களில் கைவினைப் பொருட்கள் செய்தல்

55. சுருட்டு தயாரித்தல்

56. ஓவியர்கள்

57. ஒலி மற்றும் ஒளி அமைத்தல்

58. எலக்ட்ரானிக் பொருட்கள் மற்றும் உபகரணங்களை பழுது பார்த்தல் மற்றும் சீர் செய்தல்

59. வார்த்து வடித்தல்

இவர்கள் அனைவரும்வாரியங்களில் 

பதிவு செய்வதற்கான தகுதிகள் / வழிமுறைகள்:-

1. விண்ணப்பதாரர் 18 முதல் – 60 வயதுக்குள் இருத்தல் வேண்டும்.

2. தொழிலாளி தனது புகைப்படம் ஒன்றை விண்ணப்பத்தில் ஒட்டி, மற்றொரு புகைப்படத்தை ஒரு உறையில் வைத்து விண்ணப்பத்தை முழுமையாக பூர்த்தி செய்து தொழிலாளர் உதவி ஆணையர் சமூக பாதுகாப்புத் திட்டம் அலுவலகத்தில் அளித்து ஒப்புதல் சீட்டு பெற்றுக் கொள்ள வேண்டும்.

3. பதிவு கட்டணம் ஏதும் இல்லை.

4. பதிவு விண்ணப்பத்தில் சம்மந்தப்பட்ட தொழிலில் ஈடுபட்டுள்ளவர் என்பதற்கான சான்று கீழ்க்கண்ட எவரேனும் ஒருவரால் அளிக்கப்பட வேண்டும்.

1. வேலையளிப்பவர்,

2. பதிவு பெற்ற ஒப்பந்ததாரர் கட்டுமான வாரியம் மட்டும் 

3. கட்டுமானத் தொழிலில் ஈடுபடும் அரசு அமைப்புகள் அல்லது நிறுவனங்கள் கட்டுமான வாரியம் மட்டும் பதிவு பெற்ற தொழிற் சங்கம்.

4. கிராம நிர்வாக அலுவலர்

வருவாய் ஆய்வாளர் – சென்னை மாவட்டத்தில் மட்டும்.

5. தொழிலாளர் உதவி ஆய்வாளர் அல்லது உதவி இயக்குநர், தொழிலக பாதுகாப்பு மற்றும் சுகாதாரம் தமிழ்நாடு உடலுழைப்புத் தொழிலாளர்கள் நல வாரியம் மற்றும் இதர 15 நல வாரியங்களுக்கு மட்டும்.

5. பதிவு விண்ணப்பத்தில், தொழிலாளர் செய்யும் வேலை குறித்த பணிச்சான்றினை தொழிற்சங்கம் வழங்கியிருந்தால், தொழிற்சங்கப் பதிவு எண் மற்றும் முகவரியுடன் கூடிய முத்திரை இடம் பெற்றிருக்க வேண்டும்.

6. வயது/ இருப்பிடம் தொடர்பாக கீழ்க்கண்ட ஆவணங்களில் ஏதேனும் ஒன்றின் சான்றொப்பமிட்ட நகலினை Attested Copy விண்ணப்பத்துடன் இணைக்க வேண்டும்.

7. பிறப்பு / இறப்பு பதிவாளரின் சான்று.

8. பள்ளி அல்லது கல்லுரிச்சான்று

9. வாகன ஓட்டுநர் உரிம நகல்,

10. தேர்தல் ஆணையத்தால் வழங்கப்பட்ட வாக்காளர் அடையாள அட்டை,

11. சான்றொப்பமிட்ட குடும்ப அடையாள அட்டை

12. அரசு மருத்துவரிடமிருந்து சிவில் சர்ஜன் தரத்திற்கு குறையாதவரிடம் பெறப்பட்ட வயது குறித்த சான்று – அசலில்

13. தேசியமயமாக்கப்பட்ட வங்கி கணக்கு பதிவினை புதுப்பித்தல்

ஐந்து வருடத்திற்கு ஒருமுறை பதிவினை புதுப்பித்துக்கொள்ள வேண்டும்,

புதுப்பித்தலுக்கு கட்டணம் ஏதும் இல்லை 60 வயது நிறைவடைந்த தொழிலாளியின் பதிவினை புதுப்பிக்க இயலாது உறுப்பினரால் அளிக்கப்படும் புதுப்பித்தல் விண்ணப்பம் தொழிலாளர் உதவி ஆணையர் சமூக பாதுகாப்புத் திட்டம் அலுவலகத்தில் பெறப்பட்டு, உரிய சரிபார்த்தலுக்குப் பின் புதுப்பிக்கப்பட்டு அடையாள அட்டை உறுப்பினருக்கு திரும்ப அளிக்கப்படும்.

இரண்டாம்படி அடையாள அட்டை Duplicate I.D.Card

இரண்டாம்படி அடையாள அட்டை வழங்கக் கோரும் மனு தொழிலாளரின் விண்ணப்பத்தின் மீது விசாரணை மேற்கொண்டு இரண்டாம்படி அடையாள அட்டை Duplicate ID. Card கோரும் நபர் அவர் தானா என உறுதி செய்து தொழிலாளர் உதவி ஆணையரால் சமூக பாதுகாப்புத் திட்டம் இரண்டாம்படி அடையாள அட்டை வழங்கப்படும்.

இரண்டாம்படி அடையாள அட்டை பெற ரூ.20/- கட்டணம் செலுத்தி ரசீது பெற்றுக்கொள்ள வேண்டும்.

பதிவு பெற்ற தொழிலாளர்களுக்கு நலத்திட்ட உதவிகள் பதிவு பெற்ற தொழிலாளர்களுக்கு நலத்திட்ட உதவிகள் திருமணம்

குடும்பத்திற்கு இருமுறை மட்டும் தொழிலாளர் (அ) தனது மகன் (அ) மகள் திருமணத்திற்கு 3,000/-(ஆண்)

5,000/-(பெண்) மகப்பேறு பதிவு பெற்ற பெண் தொழிலாளர்களுக்கு

(முதல் இரு குழந்தைகளுக்கு மட்டும்) 6,000/-

கருக்கலைப்பு/ கருச்சிதைவு (பதிவு பெற்ற பெண் தொழிலாளர்களுக்கு இரு முறை மட்டும்) 3,000/-

கல்வி (ஒவ்வொரு கல்வி ஆண்டிற்கும்) அ) 10-ம் வகுப்பு படிப்பதற்கு (பெண் குழந்தைகளுக்கு மட்டும்) 1,000/

ஆ) 11-ம் வகுப்பு படிப்பதற்கு (பெண் குழந்தைகளுக்கு மட்டும்) 1,000/

இ) 12-ம் வகுப்பு படிப்பதற்கு (பெண் குழந்தைகளுக்கு மட்டும்) 1,500/-

ஈ) 10 ஆம் வகுப்பு தேர்ச்சி 1,000/-

உ) 12 ஆம் வகுப்பு தேர்ச்சி 1,500/-

ஊ) பட்டப்படிப்பு முறையான பட்டப்படிப்பு 1,500/-

விடுதியில் தங்கிப் படித்தால் 1,750/-

எ) பட்ட மேற்படிப்பு

முறையான பட்டமேற்படிப்பு 4,000/-

விடுதியில் தங்கிப் படித்தால் 5,000/-

ஏ) தொழிற்நுட்பப் பட்ட படிப்பு

சட்டம், பொறியியல்,மருத்துவம், கால்நடை மருத்துவம் போன்ற

தொழிற்நுட்பப் பட்ட படிப்பு 4,000/-

விடுதியில் தங்கிப் படித்தால் 6,000/-

தொழிற்நுட்பப் பட்டமேற்படிப்பு 6,000/-

விடுதியில் தங்கிப் படித்தால் 8,000/-

ஒ) ஐ.டி.ஐ. அல்லது

பாலிடெக்னிக் படிப்பு 1,000/-

விடுதியில் தங்கிப் படித்தால் 1,200/

கண் கண்ணாடி ஒவ்வொரு ஆண்டும் ஒவ்வொரு மாவட்டத்திற்கும் முதலில் விண்ணப்பிக்கும் 65 தொழிலாளர்களுக்கு மட்டும்.

 500/-க்கு மிகாமல் ஓய்வூதியம்

60 வயது நிறைவு செய்த பதிவு பெற்ற தொழிலாளியாக இருக்க வேண்டும் அல்லது 60 வயதினை நிறைவு செய்யாதிருந்தாலும் பதிவு செய்திருந்து நோயின் காரணமாக வழக்கமான பணி செய்ய இயலாமல் முடக்கம் ஏற்பட்டிருக்க வேண்டும்.

 1.000/- மாதம் ஒன்றிற்கு குடும்ப ஓய்வூதியம் ஓய்வூதியம் பெறும் கட்டுமானத் தொழிலாளி இறந்துவிட்டால் அவரது கணவர்/ மனைவிக்கு குடும்ப ஓய்வூதியம்

400/- மாதம் ஒன்றிற்கு

விபத்து மரணம் –(கட்டுமானத் தொழிலாளி 11.12.2014-க்கு பிறகு

பணியின்போது பணியிடத்தில் விபத்து மரணம் நிகழ்ந்தாலும், 01.03.2016-க்கு பிறகு பதிவு பெறாத கட்டுமானத் தொழிலாளி பணியிடத்தில் இறந்தாலும்) 5,00,000/-

01.03.2011-க்கு பிறகு பணியிடம் அல்லாத இடத்தில் விபத்தில் இறந்தாலும் 1,00,000/-

விபத்து ஊனம் உடல் உறுப்பு இழப்பு அல்லது உடல் உறுப்பு துண்டிக்கப்படுதல் அல்லது நிரந்தரமாக உடல் உறுப்பு செயல் இழப்பு ஏற்பட்டால் ஊனத்திற்கு தகுந்தாற்போல் இழப்பீட்டுத் தொகை 1,00,000/-வரை வழங்கப்படும்.

விபத்து ஊன உதவித் தொகையினை தவிர ஊனத்தின் தன்மைக்கேற்ப செயற்கை உறுப்புகள் / சக்கர நாற்காலி தகுதியின் அடிப்படையில் வழங்கப்படும்,

இயற்கை மரணம்

நியமனதாரருக்கு மட்டும் (17.11.2017 க்கு பிறகு) 20,000/-

ஈமச்சடங்கு நியமனதாரருக்கு 

மட்டும் (17.11.2017 க்கு பிறகு) 5,000/-

நல உதவி விண்ணப்பத்துடன் இணைக்கப்பட வேண்டிய ஆவணங்கள் பொதுவான ஆவணங்கள்

அசல் அடையாள அட்டை

வங்கி கணக்கு அட்டை ஆதார் அட்டை

திருமணம் திருமண அழைப்பிதழ்

திருமணம் நடைபெற்றதற்கான சான்று திருமணம் செய்து கொள்பவர் ஆண் எனில் 21 வயதும், பெண் எனில் 18 வயதும் நிறைவு செய்தார் என நிரூபிக்கும் வயது சான்றிதழ், மகப்பேறு அசல் பிறப்பு சான்றிதழ்

குறைப்பிரசவம்/ கருக்கலைப்பு எனில் பதிவு பெற்ற மருத்துவரின் சான்று. உதவி சிவில் சர்ஜன் தரத்தில்

கல்வி

1. கல்வி பயிலும் ஆண்டிலேயே விண்ணப்பிக்க வேண்டும்.

2. பள்ளித் தலைமை ஆசிரியரிடமிருந்து பெறப்படும் படிப்பு சான்றிதழ் பதிவு பெற்ற தொழிலாளியின் மகள் என்றும் கல்வி பயிலும் ஆண்டினையும் குறிப்பிட வேண்டும்.

3. சான்றொப்பமிட்ட தேர்ச்சி பெற்ற மதிப்பெண் பட்டியல் / பள்ளி மாற்று சான்றிதழ்.

4. கல்லுரி படிப்பில் சேர்ந்து பயில்வது குறித்தான கல்வி நிலைய முதல்வரிடமிருந்து பெறப்பட்ட அசல் சான்றிதழ்.

5. விடுதியில் தங்கி படிப்பவர் முதல்வரிடம் அல்லது விடுதி காப்பாளரிடம் இருந்து பெறப்பட்ட சான்று.

கண் கண்ணாடி கண் மருத்துவரின் பரிசோதனைச் சான்று கண் கண்ணாடி வாங்கியதற்கான அசல் பற்றுச் சீட்டு ஓய்வூதியம் இரண்டு பாஸ்போர்ட் அளவு போட்டோ.

முடக்க ஓய்வூதியம் இரண்டு பாஸ்போர்ட் அளவு போட்டோ,

 மருத்துவச் சான்று அரசு சிவில் சர்ஜனால் வழங்கப்பட்டது, (முடக்க ஓய்வூதியத்திற்கு மட்டும்)

குடும்ப ஓய்வூதியம் இரண்டு பாஸ்போர்ட் அளவு போட்டோ ஓய்வூதியதாரரின் அசல் இறப்பு சான்றிதழ், வாரிசு உரிமைச் சான்றிதழ் விபத்து மரணம்

அசல் இறப்பு சான்றிதழ், முதல் தகவல் அறிக்கை (FIR), பிரேதப் பரிசோதனை அறிக்கை.

விபத்து மரணம் உதவித் தொகை, உதவி உபகரணம் மருத்துவச்சான்று பணித்திறன் இழப்புச் சான்று உதவி சிவில் சர்ஜனால் வழங்கப்பட்டது ஹாஸ்பிடல் டிஸ்சார்ஜ் சம்மரி முதல் தகவல் அறிக்கை (FIR) இயற்கை மரணம், ஈமச்சடங்கு அசல் இறப்பு சான்றிதழ்.

நலத்திட்ட உதவிகள் வங்கி கணக்கில் செலுத்துதல் (ECS)

அரசாணை எண்.102, நாள் – 08.11.2011 (தொழிலாளர் மற்றும் வேலைவாய்ப்புத் துறை)-ன்படி இவ்வாரியங்களின் நலத் திட்ட உதவிகளுக்கான பணப்பயன்கள் நேரடியாக பதிவு பெற்ற தொழிலாளியின் வங்கி கணக்கில் செலுத்தப்படுகிறது.

மாண்புமிகு முதல்வர் அவர்களின் விரிவான மருத்துவ காப்பீட்டு திட்டம்:-

இந்த காப்பீட்டு திட்டத்தில் ஒரு குடும்பத்திற்கு வருடம் ரூ.1,00,000/- வீதம் வழங்க வழிவகை செய்யப்பட்டுள்ளது. 

சில குறிப்பிட்ட சிகிச்சை முறைகளுக்கு ஒரு வருடத்திற்கு ரூ.1,50,000/- வரை வழங்கப்படும்.

 இத்திட்டத்தில் 1016 சிகிச்சை முறைகளுக்கும், 113 தொடர் சிகிச்சை வழிமுறைகளுக்கும் மற்றும் 23 நோய் பரிசோதனை கண்டுபிடிப்பு முறைகளுக்கும் வழிவகை செய்யப்பட்டுள்ளது.

 தமிழ்நாடு கட்டுமானம் மற்றும் இதர 16 அமைப்புசாராத் தொழிலாளர்கள் நல வாரியங்களில் பதிவு பெற்ற தொழிலாளர்களும் இத்திட்டத்தில் நிபந்தனைகளுக்குட்பட்டு பயன்பெற வழிவகை செய்யப்பட்டுள்ளது.

தமிழ்நாடு கட்டுமானத் தொழிலாளர்களின் குழந்தைகளுக்கு நற்பெயர் பெற்ற தனியார் பள்ளிகளின் மூலம் உயர் கல்வி வழங்கும் திட்டம்:-

அரசுப் பள்ளியில் கல்வி பயின்று, அறிவுக்கூர்மையான கட்டுமானத் தொழிலாளர்களின் குழந்தைகளுக்கு அந்தந்தப் பகுதியில் சிறந்த தனியார் பள்ளிகள் மூலம் தரமான கல்வி வழங்கும் வகையில் தமிழ்நாடு கட்டுமானத் தொழிலாளர் நல வாரியத்தில் பதிவு பெற்ற தொழிலாளர்களின் குழந்தைகளுக்கு சிறந்த தனியார் பள்ளிகளின் மூலம் ஆறாம் வகுப்பு முதல் 12 வகுப்பு வரை தரமான கல்வி வழங்க தமிழக அரசு ஆணை எண்.14 தொ.வே,(ஐ1) துறை நாள் :31.01.2017 வெளியிடப்பட்டுள்ளது.

பள்ளிக் கட்டணம் தனியார் பள்ளிக் கட்டண நிர்ணயக்குழுவால் நிர்ணயக்கப்படும் கட்டணத்தையும், விடுதிக் கட்டணம் ரூ.15,000/- மற்றும் ஒவ்வொரு மாணவருக்கும் ஆண்டு ஒன்றுக்கு வழங்கப்படும்.

அலுவலக முகவரிகள் :-

1. தொழிலாளர் ஆணையர்,

டி.எம்.எஸ். காம்பவுண்ட்,

தேனாம்பேட்டை, சென்னை – 600 006.

தொலைபேசி எண். 044-28216529.

மின்னஞ்சல் முகவரி : comlabtn@gmail[dot]com.

2. கூடுதல் தொழிலாளர் ஆணையர்,

எண்.8, ஹாஜா மியான் தெரு,

காஜா நகர், திருச்சி.

தொலைபேசி எண். 0431-2421433

மின்னஞ்சல் முகவரி : jcl_trichy@yahoo[dot]in

3. தொழிலாளர் இணை ஆணையர்,

26, 3வது தெரு, காஜா நகர், திருச்சி.

தொலைபேசி எண். 0431-2420600

மின்னஞ்சல் முகவரி : dclssstryrn@gmail[dot]com

4. தமிழ்நாடு கட்டுமானத் தொழிலாளர்கள் நல வாரியம்,

8, வள்ளுவர் கோட்டம் நெடுஞ்சாலை,

சென்னை – 34.

தொலைபேசி எண். 044-28216527, 28216529

மின்னஞ்சல் முகவரி : tncwwbhead@gmail[dot]com

5. தமிழ்நாடு உடலுழைப்புத் தொழிலாளர்கள் நல வாரியம்,

ஜி/133, தமிழ்நாடு வீட்டுவசதி வாரியம், சிந்தாமணி சூப்பர்மார்க்கெட் வணிக வளாகம், அண்ணாநகர் (கிழக்கு), சென்னை – 102. தொலைபேசி எண். 044-26631147/48/49/50

மின்னஞ்சல் முகவரி : manualboard@gmail[dot]com

6. தொழிலாளர் உதவி ஆணையர் அலுவலகம்,

(சமூக பாதுகாப்புத் திட்டம்),

எண்.19, பெரிய மில் தெரு, விஜயபுரம், திருவாரூர். 

தொலைபேசி எண். 04366-251210

தொகுப்பு:-

P.M.சுந்தரமூர்த்தி M.A.,M.L.,

மத்திய - மாநில அரசு வழக்கறிஞர்

சென்னை உயர் நீதிமன்றம் 2010-2025

பெண்ணடிமையை முடிவிற்குக் கொண்டுவந்த திப்புவின் ஆடைச் சீர்திருத்த அரசாணை!

 புதூரான்

ஹைதர் அலியின் படையெடுப்பால் மலபார் பகுதிகள் அவரின் ஆட்சியின் கீழ் சென்றன. பின்னர் அவரது மகனான திப்பு சுல்தான் ஆட்சிக்கு வந்த பிறகு மலபார் பகுதிகளில் கடுமையான தீண்டாமையைப் பற்றி திப்பு சுல்தானிடம் தகவல் கொடுக்க அவர் பல்வேறு சீர்திருத்த நடவடிக்கைகளை மேற்கொள்ள உத்தரவிட்டார்.

இதனால் உள்ளூர் சிற்றரசுகள் போல் செயல்படும் உயர்ஜாதி ஜமீன்தார்கள் திப்புவின் நிர்வாகத்திற்கு எதிராக பிரிட்டிஷாரைத் தூண்டிவிட்டனர். இரண்டாம் மைசூர் போர் மூண்டது. இதில் ஆங்கிலேயர்கள் தோல்வியை ஒப்புக்கொண்டு திப்புவோடு 1784 ஆம் ஆண்டு மங்களூர் உடன் படிக்கையில் கையெழுத்திட்டனர்.

இதனை அடுத்து முதல் முதலாக திப்பு இன்றைய வட கேரளப் பகுதிக்குச் செல்கிறார். அப்போது வயலில் வேலை பார்த்துக்கொண்டிருந்த பெண்கள் மேலாடை அணியாமல், துணி கொண்டு கோவணம் போல் அணியாமல் முன்பாகத்தை மட்டும் மறைத்திருந்துள்ளனர். இதைக் கண்டு அதிர்ச்சியடைந்த திப்பு சுல்தான் தனது ஜாகிர்தாரிடம் கேட்க அவர் உயர்ஜாதிப் பெண்களைத் தவிர அனைவரும் திறந்த மார்புடனும், துண்டுத்துணி கொண்டு இடுப்பின் முன் பகுதியை மட்டுமே மறைக்கவேண்டும் என்று கூறினார்.

இதனைக் கண்டு கோபமுற்ற திப்பு “எனது ஆளுமையின் கீழ் இந்தக் கொடுமை நடக்க நான் அனுமதிக்க மாட்டேன். இன்றிலிருந்து பெண்கள் உடலை முழுமையாக மறைக்கும் ஆடைகளை அணிய வேண்டும். அதை யாரேனும் தடுத்தால் அவர்கள் மீது நடவடிக்கை எடுக்கவும்” என்று ஜாகிர்தார் மூலம் அந்தந்தப் பகுதி ஆளுநர்களுக்கு உத்தரவிட்டார்.

இது தொடர்பாக பார்சி மொழியில் உள்ள பாலக்காடு அரசாணையில் இப்படி எழுதுகிறார்:

பெண்கள் ஆடை அணிவதைத் தடை செய்வது “மிருகத்தனம்” என்று விவரித்து, முழுமையான ஆடையும் தலைமறைப்பையும் (முக்காடு) அணிய வேண்டும் என்று கட்டளையிட்டார்.

அதேபோல் 1785இல் மலபார் ஆளுநருக்கு எழுதிய கடிதத்தில், “நான் மலபார் பகுதிக்குச் சென்ற போது ஆடை அணியாமல் இருக்கும் பெண்களைக் கண்டேன் மனம் வருத்தம் அடைந்தேன். இது மிருகத்தனமானது. இவை  மதவிதிகள் என்ற பெயரில் பெண்கள் இவ்வாறு இருக்க கட்டாயப்படுத்தப்படுகின்றனர். ஆகவே இதனை முடிவிற்கு கொண்டுவர வேண்டும்” என்று அந்தக் கடித்ததில் குறிப்பிட்டுள்ளார்.

Lewin Bowring போன்ற பிரிட்டிஷ் எழுத்தாளர்கள், மேற்கு கடற்கரைப் பகுதிகளில் கீழ் ஜாதிப் பெண்கள் மேல் உடலை மறைக்கத் தடை இருந்ததைக் குறிப்பிட்டு, திப்பு அதை நிறுத்த உத்தரவிட்டதாகக் கூறுகின்றனர்.

இது தொடர்பாக AHWAL-UL-AARIFEEN Author : Hafiz Ghulam Fareed Publisher : Nazeer Sons Publishers, Lahore என்ற உருது நூலில் உள்ளதன் தமிழாக்கம். (மூன்றாம் பத்தி (நாணம் & ஆடை ஒழுக்கம்) “பெண்கள் ஆடை ஒழுக்கத்துடன் இருப்பதைத் திப்பு  விரும்பினார். இந்த நிலையில் அவருடைய நாட்டில்(மலபாரில்) உள்ளூர் மதப் பெண்கள்(இஸ்லாம் கிருஸ்தவம் அல்லாதவர்கள்) மிருகங்களைப் போலத் தலையிலும், மார்பிலும் துணியின்றி உலாவும் பழக்கம் கொண்டிருந்தனர். இதைக் கண்டு அதிர்ச்சி அடைந்த சுல்தான் எந்தவொரு பெண்ணும் மேலாடை (துப்பட்டா/துணி) இல்லாமல் இருக்கக்கூடாது என்று ஆணைகள் மூலம் கடுமையான உத்தரவைப் பிறப்பித்தார்.  அதன்பிறகே அந்த அவலட்சணமான பழக்கம் ஒழிந்தது.”

- விடுதலை ஞாயிறு மலர், 12.9.26

மாணவர் சேர்க்கையின்போது ஜாதி, மதத்தைக் குறிப்பிடுவது கட்டாயமில்லை!

 

தமிழ்நாடு அரசு

மதுரை, செப். 6- பள்ளி, கல்லூரிகளில் மாணவர் சேர்க்கையின்போது ஜாதி, மத அடையாளங்களை குறிப்பிடுவது கட்டாயம் இல்லை என உயர் நீதி மன்றத்தில் தமிழ்நாடு அரசு தரப்பில் தெரிவிக்கப்பட்டது.

விருதுநகர் மாவட்டம், இனாம்ரெட்டி யபட்டியைச் சேர்ந்த விக்ரமன், உயர் நீதிமன்ற மதுரை அமர்வில் தாக்கல் செய்த மனுவில், ‘தனியார் கல்வி நிறுவனங்களில் ஆரம்ப கட்டத்தில் மாணவர்களிடம் ஜாதி கேட்கக் கூடாது என விதி உள்ளது. இதை மீறி கல்வி நிறுவனங்களில் மாண வர் சேர்க்கையின்போது விண்ணப்ப தாரர்களின் ஜாதி மற்றும் சமூக விவ ரங்களை கட்டாயமாகக் கேட்கப்படு கிறது. இது மாணவர்கள் தேர்வு மற்றும் சேர்க்கை செயல்முறைகளில் பாகுபாடு ஏற்பட வழிவகை செய்யும்.

எனவே, தமிழ்நாட்டில் உள்ள தனியார் கல்வி நிறுவனங்களில் விண்ணப்ப படிவங்களில் ஜாதி அல்லது சமூக விவரங்களை கட்டாய மாக சேகரிக்கத் தடை விதித்தும், தனியார் நிறுவனங்களில் பாகுபாடு இல்லாத சூழலை உறுதிசெய்ய வழிகாட்டுதல்களை உருவாக்கவும் உத்தரவிட வேண்டும்’ என்று மனுவில் கூறப்பட்டிருந்தது.

இந்த மனு ஏற்கெனவே விசார ணைக்கு வந்தபோது, மாணவர் சேர்க்கை விண்ணப்பத்தில் ஜாதி விவரங்கள் கேட்டு கட்டாயப்படுத்தக் கூடாது என அனைத்து கல்வி நிறுவனங்களுக்கும் சுற்றறிக்கை அனுப்பப்பட்டுள்ளதா என நீதிபதிகள் கேள்வி எழுப்பினர்.

இந்த வழக்கு நீதிபதிகள் சி.வி.கார்த்திகேயன், ஆர்.சக்திவேல் அமர்வில் விசாரணைக்கு வந்தது. அரசுத் தரப்பில், ‘பள்ளிகளைத் தொடர்ந்து அரசு மற்றும் அரசு உதவிபெறும், கல்லூரி, தனியார் கல்லூரிகளுக்கு மாணவர் சேர்க்கை யின்போது ஜாதி, மாத அடையாளங்களை கட்டாயம் கேட்கக் கூடாது என சுற்ற றிக்கை அனுப்பப்பட்டு உள்ளது’ எனத் தெரிவிக்கப்பட்டது.

இதையடுத்து நீதிபதிகள், ‘இதே போன்ற மற்றொரு வழக்கில் சென்னை உயர் நீதிமன்றம் வழங்கிய தீர்ப்பில் பள்ளிகளில் ஜாதி, மாத அடையாளங்களை குறிப்பிட கட்டாயப்படுத்தக் கூடாது எனக் கூறப்பட்டுள்ளது. இது தொடர்பான அரசாணையை பின்பற்றுவதை உறுதி செய்ய வேண்டும். இது தொடர்பாக விழிப்புணர்வு ஏற்படுத்த வேண்டும்’ என உத்தரவிட்டனர்.

-விடுதலை நாளேடு,6.9.26

கருமையின் பெருமை! - செ.ர.பார்த்தசாரதி சென்னை -34

அறிவியல் பகுதி

கருமையின் பெருமை!

கருப்பு என்றாலே மக்களில் பெரும்பான்மையினருக்கு வெறுப்புதான் வரும். அப்படிப்பட்ட கருப்பு நிறத்தையுடைய சட்டையை. வெறுக்காமல் தன்னுடைய தன் இனத்தினுடைய இழிவு நீங்குவதற்காக ஒவ்வொரு திராவிடர் கழகத்துக்காரர்களும் பெருமையாக அணிந்து கொள்கின்றனர்.

நீதியின் சின்னம் கருப்பு

நீதி துறையைச் சார்ந்தவர்கள் அணிவதும் கருப்புச் சட்டை தான்! நீதிக்காக பாடுபடுபவர்கள் (திராவிடர் கழகத்தினர்) அணிவதும் கருப்புச் சட்டை தான்! நீதியின் சின்னம் கருப்பு என்றே சொல்லலாம்.

கருப்பு என்றால் என்ன?

பெருமை மிக்க கருப்பு நிறத்தை பற்றி சிறிது ஆராய்வோம்.

நிறங்களைப் பற்றி சொல்லும் போது கருப்பையும் ஒரு நிறமாக பட்டியலில் சேர்ப்பார்கள். ஆனால் உண்மையில் கருப்பு என்பது ஒரு நிறம் கிடையாது.

அனேகமாக வெள்ளை நிறத்தை தான், நிறமற்றதாக நினைக்கத் தோன்றும். எந்தப் பொருளையும் தூய்மை செய்தல், அதாவது வெண்மையாக்கினால் தான், நிறங்களை நீக்கி சுத்த மாக்கி விட்டதாக நினைக்கத்கத தோன்றும் ஏந்த  பொருளையும் தூய்மை செய்தல், அதாவது வெண்மையாக்கினால் தான். நிறங்களை நீக்கி சுத்த மாக்கிவிட்டதாக நினைக்கத் தோன்றும்.

உதாரணத்திற்கு வெள்ளை துணியிலோ, வெள்ளை காகி தத்திலோ தான் அனைத்து நிறங் களையும் அச்சிடுகின்றனர். அப் பொழுதுதான் பளிச்சென்று தெரிகின்றது. ஆகையினால் நிற மற்ற பொருள் வெள்ளை என்று நினைக்கிறோம். ஆனால் வெள்ளை என்பது ஏழு நிறங்களின் கூட்டு நிறமாகும். அதாவது ஏழு நிறங்கள் ஒன்று சேர்த்தால் வெள்ளை நிறம் வரும்

ஒரு வட்ட வடிவ தகட்டில் ஏழு சம பாகமாக பிரித்து ஒவ்வொன்றிலும் வானவில்லின் ஏழு நிறங்களையும் தீட்டி, அந்த தகட்டை ஒரு அச்சில் பொருத்தி ஒரு குறிப்பிட்ட வேகத்தில் சுழலவிட்டால் அந்த தகடு வெள்ளை நிறமாக தெரியும்.

                                                                  நியூட்டனின் வட்டு

காரணம் குறிப்பிட்ட வேகத்தில் சுற்றும் போது ஏழு நிறங்களும் எல்லா இடத்திலும் குறிப்பிட்ட நேரத்தில் வரும். அப்படி வரும்போது ஏழு நிறங்களும் கலக்கப்படுவதால் வெள்ளை நிறமாக தெரிகிறது. ஏழு நிறங்களையும் (பெயிண்ட்) சம அளவில் கலந்தால் வெள்ளை நிறமாகி விடும்.

சூரிய ஒளியில் ஏழு நிறங்கள் இருக்கின்றன. இவை ஒன்று சேர்ந்து இருப்பதால்தான் சூரியனியிருந்து சிறிது பழுப்பான வெள்ளை ஒளி வெளி வருகின்றன.

இதைத் தெரிந்து கொள்ள வேண்டுமாயின் முப்பட்டக கண்ணாடியின் மூலமாக சூரிய ஒளியைப் பிடித்தால், ஒளி தனித்தனியாகப் பிரிந்து ஏழு நிறங்களாகத் தெரியும்'

அடுத்து ஓர் உண்மை என்னவென்றால், எந்தப் பொருளுக்கும் நிறம் கிடையாது என்பதுதான். அதாவது எல்லா பொருளும் கருப்பு என்பதுதான்.

சூரியனிலிருந்து வரும் ஒளியினாலேயே, குறிப்பாக சொல்லவேண்டுமானால் ஒளியினாலேயே (எந்த ஒளியானாலும்) தான் பொருள்கள் பல நிறங்களாகத் தெரிகின்றன.

பொருள்கள் அனைத்தும் நிற ஒளிகளை எதிரொளிப்பவை யாகவும் எதிரொளிக்காதவையா கவும். நிற ஒளிகளை உமிழ்பவை களாகவும், உமிழாதவைகளாகவும் இருக்கின்றன.

கண்பார்வை

இடையில் கண்பார்வை பற்றி சிறிது பார்ப்போம். நாம் ஒரு பொருளைப் பார்க்க வேண்டுமானால் ஒளியை உமிழ்வதாகவோ அல்லது ஒளியை எதிரொளிப்பதாகவோ இருக்க வேண்டும்.

ஒளி பொருள் மீது பட்டு எதிரொளிக்கப்பட்டு நம் கண்ணை அடையும் போது, அந்த பொருள் இருப்பதை கண் உணர்கிறது. அந்தப் பொருள் தன் மீது படும் ஒளியை எதிரொளிக்கவில்லையானால் அந்தப் பொருளை கண் உணராது. இதனால் அந்த பொருள் கருப்பாகத் தெரியும். ஒளியே இல்லையானால் பொருள் மீது பட்டு ஒளி எதிரொளித்து நம் கண்ணை அடைய முடியாததால், அந்தப் பொருளை நாம் உணர முடியாது. இதனால்தான் இரவில் (இருட்டில்) எந்தப் பொருளையும் பார்க்க முடிவதில்லை.

ஏழு நிறங்களை கொண்ட ஒளி ஒரு பொருளின் மீது படும்போது அந்தப் பொருள் எந்த ஒளியை மட்டும் (மற்ற ஒளிகளை ஈர்த்துக் கொள்ளும்) எதிரொளிக்கிறதோ அந்தப் பொருள், அந்த நிறமாகத் தெரியும்.

உதாரணமாக எழு நிறம் கொண்ட ஒளி (சூரிய ஒளி) மாங்காய் மீது படும்போது, அந்த மாங்காய் மற்ற நிறங்களை எல்லாம் ஈர்த்துக் கொண்டு, பச்சை நிறத்தை மட்டும் வெளியே விட்டு விடும். அதாவது எதிரொளித்து விடும். வெளியேற்றப்பட்ட பச்சை நிற ஒளி நம் கண்களை அடையும் போது, மாங்காய் பச்சையாகத் தெரிகிறது.

மாங்காய் பச்சை நிறத்திற்குப் பதில் சிவப்பு நிறத்தை எதிரொளிக்குமானால் மாங்காய்

சிவப்பாகத் தெரியும். 

ஒளியிலிருக்கும் எந்த நிறத்தையும் ஒரு பொருள் எதிரொளிக்காமல் அனைத்தையும் ஈர்த்துக் கொள்ளுமானால் அந்தப் பொருள் கருப்பாகத் தெரியும்.

கண்ணுக்குப் புலப்படாத விண்மீன்கள்

விண்வெளியில் எண்ணிக்கையிலடங்கா கோள்கள் (விண்மீன்கள்) இருக்கின்றன. அவற்றில் சில கோள்களை கண்களால் பார்க்க முடியாது. காரணம், அவை ஒளிகளை எதிரொலிக் காததும், ஒளிகளை உமிழாததும் தான் ஆகும்.

அந்த கோள்களின் மீது படும் ஒளிகளை எல்லாம் தடுத்துக் கொண்டு எந்த ஒலியையும் அது எதிரொளிப்பதில்லை. 

அதனால் அந்த கோள்கள் கருப்பாக தெரிகின்றன. கருப்பாகத் தெரிவதால், வானவெளியில் அந்த கோள்கள் இருப்பதே கண்களுக்கு புலப்படுவதில்லை. பார்ப்பதற்கு வெட்ட வெளியாக தான் தெரியும்.

கோள்கள் இருப்பதை மற்ற ஆதாரங்களை வைத்து தான் கண்டுபிடிக்கின்றனர். 

நாளுக்கு நாள் பொருள்கள் அழுத்தப்பட்டு கொண்டே செல்கின்றன, இப்படி அழுத்தப் பட்டுக் கொண்டே சென்றால் குறிப்பிட்ட காலத்தில் அழுத்தம்

அதிகரிப்பதால், அந்தப் பொருள்கள்,  ஒளியை உமிழ்வதையோ, எதிரொளிப்பதையோ நிறுத்தி விடும். இதேபோல் ஆனவைகள் தான் கருப்புக் கோள்கள்.

கருப்பு குடை குளிர்ச்சியா?

வெயில் காலங்களில் கருப் புக்குடையை வெப்ப தாக்கத்தி லிருந்து தப்பிக்க கையில் பிடித்துச் செல்கின்றனர். ஆனால் வெப்பம் அதிகமாகவே தெரியும். இதற்குக் காரணம், கருப்பு நிறம் அனைத்து ஒளியையும் ஈர்த்துக் கொண்டு எந்த ஒளியையும் எதிரொளிக்காததேயாகும். அனைத்து ஒளியையும் ஈர்த்துக் கொள்வதால் குடையின் கீழ் வெப்பம் அதிகரிக்கிறது. அதனால் குடைபிடித்து செல்பவருக்கு வெப்பம் அதிகமாக தெரிகிறது.

அதே நேரத்தில் வெள்ளை நிற குடை பிடித்துச் சென்றால் வெப்பக் கொடுமையிலிருந்து தப்பிக்கலாம் காரணம் வெள்ளை நிற குடை, அதன் மீது படும் ஒளி எதனையும் ஈர்க்காமல், அப்படியே எதிரொளித்து விடுவதே ஆகும். இதனால் குடை பிடிப்பவருக்கு வெப்பம் தெரிவ தில்லை. சிவப்பு குடை பிடித்தால், சிவப்பு நிறத்தை மட்டும் எதிரொலித்து விடுவதால் சிறிதளவு வெப்பம் தெரியும். இதே போல்தான் மற்ற நிறங்களுக்கு மாகும்.

பெட்ரோல் (டேங்க்) தொட்டி, பெட்ரோல் வண்டிகளுக்கு வெள்ளை நிறமோ, அலுமினிய நிறமோ அடிப்பதற்கு காரணமும் இதுவே! வெள்ளை நிறத்தை அடிப்பதால் ஒளி அனைத்தும் எதிரொளிக்கப்படுகிறது. வெப்பமாக இருக்கும் ஒளி எதிரொளிக் கப்பட்டுவிடுவதால் தொட்டி சூடேறுவதில்லை, இதனால் பெட்ரோல் தீப்பற்றாது. அதே அந்த தொட்டி கருப்பு நிறமாக இருந்தால் ஒளி அனைத்தும் ஈர்க்கப்பட்டு தொட்டி சூடேறி பெட்ரோல் தீப்பற்றி எரிந்து விடும்.

சூரிய அடுப்பு இயங்கும் விதம்

சோலார் குக்கர் எனப்படும் சூரிய அடுப்பும் இதே தத்துவத்தில் தான் இயங்குகிறது. சூரிய அடுப்புக்குள் அனைத்துப் பகுதிகளிலும் கருப்பு நிறம் பூசப்பட்டிருக்கும். உணவுப் பொருள் வைக்கும் குப்பிக்கும் சேர்த்து. இதனால் சூரிய அடுப்பில் உள்ள கருப்பு நிறத்தின் மீது சூரிய ஒளி படும் போது; சூரிய ஒளி ஈர்க்கப்பட்டு குப்பிகள் சூடேறி அதிலுள்ள உணவுப் பொருள்கள் வேக வைக்கப்படுகிறது.

கருப்பை தாங்கும் பெரியார் படை

கருப்பு சட்டை காரர்களுக்கு வெயில் என்றால் ஒரே எரிச்சல்தான். கருப்புச்சட்டை வெப்பத்தை உடைய ஒளியை ஈர்த்து உடலை சூடாக்கும். ஆனால் இந்த வெப்பத்தை தாங்கிக் கொண்டு கருப்பு

சட்டை போடுவது மாத்திரமல்லாமல், கொளுத்தும் வெயிலில் கருப்புச் சட்டையுடன் எவ்வளவு உடல் வருத்தம் வந்தாலும் அதையும் தாங்கிக்கொண்டு. சமுதாய இழிவை நீக்க, பல கிலோமீட்டர் தூரம் ஊர்வலமும் செல்லுகிறார்கள் என்றால் பெரியார் பெரும்படையை எப்படிப் பாராட்டுவதென்றே தெரியவில்லை! 

- செ.ர.பார்த்தசாரதி

சென்னை -34

குறிப்பு: இது தொடர்பாக கேள்விகள், சந்தேகங்கள் வரவேற்கப்படுகின்றன.

-  விடுதலை ஞாயிறு மலர்,10.11.91

இயேசுவின் விண்ணேற்றம் - செ.ர.பார்த்தசாரதி

 இயேசுவின் விண்ணேற்றம்

- செ.ர.பார்த்தசாரதி

ஏசு சிலுவையில் அறையப்பட்டு, இறந்த பின் கல்லறையில் வைக்கப்பட்டு பிறகு மூன்றாம் நாள் உயிர்த்தெழுந்தார் என்றும் பிறகு 40 ஆம் நாள் விண்ணுலகத்திற்கு எடுத்துக் கொள்ளப்பட்டார் என்றும் கிறித்தவர்கள் நம்புகின்றனர்.

கடைசியாக விண்ணுக்கு எடுத்துக் கொள்ளப்பட்டதாக சொல்லப்படும் இடம் இப்பொழுது முகமதியரிடம் இருக்கிறது. விண்ணுக்கு எடுத்துக் கொள்ளப்பட்டதாக சொல்லப்படும் நாளின் போது (இரண்டு நாள்கள்) மட்டும் கிறித்தவர்களிடம் ஒப்படைக்கின்றனர். மற்ற நாள்களில் எல்லாம் முஸ்லீம்களின் மசூதியாக இருக்கிறது.

'ஏசு சிலுவையில் அறையப்படவுமில்லை. மூன்றாம் நாள் உயிர்த்தெழவுமில்லை. சிலுவையில் அறையப்படுவது போல் ஒரு தோற்றத்தை கடவுள் (அல்லா) ஏற்படுத்தினார் என திருக்குர்ஆனில் உள்ளது.(திருக்குர்ஆன் அன்-நிஸா (An-Nisa) 4ஆவது அத்தியாயத்தின் 157-வது வசனம்) 

முஸ்லீம்கள் (அகமதியா பிரிவு) ‘இயேசு யூதர்களிடமிருந்து தப்பித்து இமய மலைப் பகுதியில் வந்து வாழ்ந்து பிறகு இயற்கையாக மரணமுற்றார்’ என்றும் அவருடைய சமாதி காஷ்மீரில் உள்ளது’ என்றும் கூறுகின்றனர்.

குர்ஆனுக்கு முந்தைய 'தவ்ராத்' வேதத்தில், ‘இயேசுவின் சமாதி, முகமது நபியின் சமாதியின் அருகில் வைக்கப்பட வேண்டும்’ என்று இருப்பதாக ‘அல்ஹதீஸ்' என்ற முஸ்லீம்களின் வேத நூலில் உள்ளது. (திர்மிதீ,வசனம் 3,617)

ஆகையினால்தான் இன்றளவும் முகமது நபியின் சமாதியின் அருகில் எதுவும் வைக்கப்படாத காலியான சமாதி ஒன்று இருப்பதாக முஸ்லீம்கள் கூறுகின்றனர்.

'இயேசு உயிர்த்தெழுந்து 40ஆம் நாள் விண்ணுலகம் சென்று விட்டார் என்பது உண்மையாயின் 'தவ்ராத்'தில் சொல்லப்பட்ட வசனம் பொய்யாகிவிடுகிறது.காலியாக உள்ள சமாதி . அடைக்கப்படாமலே 'தவ்ராத்' வேதம் பொய் என்று நிரூபித்துக் கொண்டிருக்கும்.

முஸ்லீம்கள் சொல்வதுபோல் காஷ்மீரில் அவர் இருப்பினும், 'தவ்ராத்' வசனம் பொய்யாகிவிடுகிறது.

இவையெல்லாம் போகட்டும், ‘விவிலியம்' (பைபிள்) என்ன சொல்கிறது என பார்ப்போம்.

'பதினோரு சீடர்களும் இயேசு குறித் திருந்த கலிலேயாவிலே உள்ள ஒரு மலையில் இயேசுவை சந்தித்தனர். அங்கிருந்து அவர் மறைந்தார்" என மத்தேயு கூறுகிறார். (28:16)

மாற்குவும் ‘கலிலேயாவில் பதினொரு வரும் உணவருந்திக் கொண்டிருந்தபோது, இயேசு வந்து அவர்களுடன் பேசிவிட்டு பரலோகம் சென்றார் என்றும் கூறுகிறார். (16:7,14,19)

ஆனால் லூக்காவோ 'எருசலேம் அருகிலுள்ள பெத்தானியாவில் சீடர்களை ஆசீர்வதித்துவிட்டு பரலோகத்திற்கு எடுத்துக் கொள்ளப்பட்டார்' என்று கூறு கின்றார். (24:50,51)

யோவானோ கலிலேயாவிற்கு அருகிலுள்ள திபேரியக் கடற்கரையில் சீடர்கள் மீன் பிடித்து கொண்டிருந்தபோது இயேசு வந்து, அவர்களை அழைத்து, பேசிக்கொண்டே சென்றார் (யோவா: 21)

அப்போஸ்தலரோ, ‘எருசலேமுக்கு பக்கத்தில் ஒரு ஓய்வு நாள் பிரயாண தூரத்திலிருக்கிற ஒலிவ மலையிலிருந்து பரலோகத்திற்கு அவரை ஒரு மேகம் எடுத்துக் கொண்டது' என்கிறார். அப்போஸ்தலர் (1: 1,9,12)

இந்த அப்போஸ்தலர் (1: 3) மட்டும் தான் ‘இயேசு உயிர்த்தெழுந்து 40 ஆம் நாள் மேலே எடுத்துக் கொள்ளப்பட்டார்’ என்று கூறுகிறார். மற்றவர்கள் நாள் கணக்கைச் சொல்லவில்லை.

பக்கம் -13

மத்தேயுவும், அப்போஸ்தலரும் கலிலேயாவில் உள்ள மலையில், இயேசு பரமேறிச் சென்றதாக கூறுகின்றனர்.

ஆனால் யோவானோ கலிலேயாவிற்கு அருகிலுள்ள திபேரியக் கடற்கரையிலிருந்து பரமேறிச் சென்றதாக கூறுகிறார்.

இதைவிட அதிசயம் என்னவென்றால் பழைய பாலஸ்தீன தேசத்தில், ஒரு கோடியில் கலிலேயோ இருக்கிறது. இதன் எதிர் கோடியில் எருசலேம் இருக்கிறது. இதன் அருகிலுள்ள பெத்தானியா விலிருந்து இயேசு பரமேறிச் சென்றதாக லூக்கா சொல்கிறார்.

ஏதோ பக்கத்து ஊர்களை சொன்னாலும் பரவாயில்லை. சம்பந்தா சம்பந்தமில்லாமல் கூறுகின்றனர்.

இயேசுவை சிலுவையில் அறைந்த போது, அவர் அருகில் இரு கள்ளர்களையும் அறைந்திருந்தனராம். அவர்களில் ஒருவன் இயேசுவை திட்டினானாம், மற்றவன் வாழ்த்தினானாம்.. வாழ்த்தியவனைப் பார்த்து "இன்றே நீ என்னுடனே கூடப் பரலோகத்திலிருப்பாய்' என்று சொன்னாராம்.

இந்த வசனப்படி 'இயேசு 40ஆம் நாள் மேலே சென்றார்' என்பது பொய் யாகிறது. இயேசுவை அறையப்பட்ட அன்றே மேலுலகம் சென்றுவிட்டார் என்பது தெளிவாகிறது.

இதிலிருந்து பைபிள் வசனங்கள் ஒன்றுக்கொன்று முரண்பட்டு இருக்கின்றதனால், இயேசு பரமேறிச் சென்றதாகச்   சொல்லப்படுவது எல்லாம் பொய்யான கட்டுக்கதை என்பதை அறியலாம்.

- உண்மை இதழ், 15.09.1987, பக்கம்-13,14

குறிப்பு:- 'கலிலியோ'விலிருந்து 'எருசலேம்' செல்ல இரண்டு பழைய பாதைகள் இருந்தன.

1.'சமாரியா' வழியாக 90 மைல்கள்.

2.'யோர்தான்' ஆற்று வழியாக 120 மையில்கள்.